Accessibility links

шимбә, 10 декабрь 2016, Казан вакыты 00:28

Qazanda Şvetsiä könnäre


Sişämbe xäbärläre Tatarstan prezidentı Mintimer Şäymievneñ Qazan Kremlendä Şvetsiä Korol'legeneñ Rusiädäge Ğadättäntış häm tulı wäkälätle ilçese Xenrik Sven Xirdmannı xatını Marian Xirdman belän qabul itüe turındağı xäbärdän başlana. Söyläşü waqıtında “Elektron Tatarstan” digän global' mäglümätläşterü respublika programmasın tormışqa aşıruda xezmättäşlek mömkinlekläre kileşterelgän. Şvetsiä ilçeseseneñ Tatarstanğa inde dürtençe kilüe ikän. Tatarstan prezidentı Stokgol'mda monnan ike yıl çaması elek bulğan ide. Menä şuşı yörüşelärneñ, söyläşülärneñ näticäse bularaq Qazanda İkea kibete açıldı. Süz uñayınnan İkea açılu Qazannıñ meñ ellığına tiñ waqiğa buldı. İkea açıluğa bağışlanğan brifingta jurnalistlar İkea kibetenä küpme keşe sıya, çiratlar bulmasmı- dip qızıqsınğannar ide. Kibet xucaları 5-6 meñ keşene irken ütkärä alabız, şunnan artqanda ğına kerügä çikläw quyu qaralğan dip tınıçlandırğannar ide. Läkin İkeağa berençe könne ük yözlägän metrlı çiratlar tözelde, kiçkä taba İkeadan yartı çaqırımdaraq ütkän avtomagistral'dä İkeağa kilgän avtomobillärdän bua xasil buldı.Ber köndä kibettä 5 million sumlıq tovar satılğan. Xäyer Şvetsiä-Tatarstan mönäsäbätlärenä äylänep qaytıyk äle. İkea kibeten açu- Tatarstanda Şvetsiä könnäre çaralarına kerä. Ber atna däwam itäçäk Şvetsiä könnärendä inde tuplı xokkey uyını häm İkea kibeten açu tantanası ütkärelde.Äle Qazanda Şvetsiä kinosı könnäre dä bara.

XS
SM
MD
LG