Yevropa Berlegeneñ yuğarı räsmiläre Havier Solana häm Chris Patten bügen Kosovoğa kilde. Serblarnıñ albannarnı ezärlekläw ğämälen tuqtatu maqsatı belän başqarılğan NATO xöcümnärennän soñ 5 yıl elek töbäktä Berläşkän Millätlär idaräse buldırılğan ide. Uzğan atna serblar belän albannar arasında qupqan yaña bäreleşlär näticäsendä 28 keşe xäläk buldı. Solana belän Patten şul 3 kön eçendä cimerelgän urınnarnı qarap yörde, serblarnıñ Kosovo Pole mäxälläsendä buldı. Solana, xalıqara cämäğätçelek mondıy köç qullanuğa yul quymaçaq dide, häm serblarnı töbäktän kitmäskä çaqırdı.
