Accessibility links

пәнҗешәмбе, 8 декабрь 2016, Казан вакыты 07:09

Ğiraqnıñ yaña Saqlanu Ministrlığı tözelä


Quşma Ştatlarnıñ Ğiraqtağı İdarä başlığı Paul Bremer, şuşı atnada Ğiraqnıñ yaña Saqlanu Ministrlığın buldıraçağın belderde. 30 Yündä xakimiätne ğiraqlılarğa tapşıru könenä 100 kön qalğanda, Bremer, televidenie aşa çığış yasap, başqarılğan eşlär häm alda torğan maqsatlar turında söyläde. Anıñ süzlärençä, yaña Saqlanu Ministrlığı xalıqnıñ iminlege öçen cawap biräçäk:

Audio (Paul Bremer)

"Üz watandaşların çit il xöcümennän saqlaw här däwlätneñ töp wazifalarnıñ berse. Ğiraqlılar öçen iminlek berençe urında tora, bu bezneñ öçen dä şulay. Menä şunı küzdä totıp şuşı atnada min Ğiraqnıñ yaña Saqlanu Ministrlığı häm ministrlıq däräcäsendä İminlek komitetı buldıraçaqmın."

Ğitraqnıñ Saddam çorınnan qalğan xärbi köçlären, iminlek xezmätlären, saqlanu häm mäglümät ministrlıqların Bremer uzğan Mayda taratqan ide. Näticädä yözlägän meñ xärbi xezmätsez qaldı. Bremer şulay uq, Ğiraqta korrupsiäne beterergä, bäysez mäglümät çaraları buldırırğa wäğdä itte. Häm dä Quşma Ştatlar 30 Yündä Ğiraqnı taşlap kitmiäçäk, dip ışandırdı.

XS
SM
MD
LG