Accessibility links

шимбә, 10 декабрь 2016, Казан вакыты 00:19

Aqyortnıñ kontr-terrorizm başlığı : Bush al-Qaida qurqınıçına ähämiät birmäde


11nçe sintäber höcümen tikşergän bäysez komisiä aldında çärşämbedä çığış yasağan G.Bushnıñ kontr-terrorizm mäsäläläre buyınça eleke kiñäşçese Richard Clarke,administratsiä al Qaidağa citärlek ähämiät birmäde dip äytte.Richard Clarke yaña kitabında da administratsiäneñ terror säyäsäten kisken tänqitli.Clarke çığışı säyäsi yanğınğa may östäde.

AQŞnıñ 4 prezidentı waqıtında kontrterrorizm kiñäşçese bulıp torğan R.Clarke 11nçe sintäberdän elek berençel ähämiät Al Qaidağa tügel ä Ğıraqqa birelde dip Bush administratsiäsen ğäyeplägän kitabı belän säyäsi cancalğa säbäp buldı..5respublikan 5 demokrat , alarnıñ kübese eleke ölkän räsmilär yä dä senatorlardan torğan bäysez komisiä aldında Clarke ,Ğıraqqa basıp kerü belän prezident terrorğa qarşı suğışnı zäğiflätte dip belderde. Komisiä çärşämbedä iğlan itkän xisabında bin Ladennı qulğa alu öçen tırışlıq kürsätmägän Clinton häm Bush administratsiäsen tänqitläp çığuı, yañadan saylanu öçen tırışqan Bushnıñ saylaw platformına orım yasap, respublikannarnıñ açuın çığardı.Ämma kiçäge tıñlawda Clarke 11nçe sintäberne tuqtatu öçen citärlek eşlämädem , üzem häm xökümätneñ höcümne tuqtata almawı öçen yarlıqaw sorıym digän süzläre , zalda utırğan 11nçe sintäber qorbannarınıñ yaqınnarı tarafınnan alqışlandı. Clarke (audio) zalda utıruçılar, televidiniäne qarap baruçılar, xökümätegez uñışsız buldı. sezne saqlaw emanäten östenä aluçılar häm min de uñışsız buldım. Bez nıq tırıştıq, monıñ ähämiäte yuq çönki bez uñışqa ireşä almadıq, böten faktlar bilgele bulğannan soñ sezneñ añlawığıznı häm kiçerüegezne ütenem dide. Ämma ul kitabında Clinton häm Bush törkemnäreneñ terrorğa qarşı köräş yulların nıq ayırğan.Clarke(audio) Clinton administratsiäse ğomumän terror ayrım alğanda al Qaidağa qarşı köräşkä ğädättän tış östenlek birde digän täsir qaldı mindä dide . Ämma Clarke Bushnıñ aqyortı turında bolay dip äytte(audio) Minemçä Bush administratsisäe berençe 8ayda terrorğa möhim ämma aşığıç mäsälä tügel dip qaradı. Kiçäge tıñlawda Clarke 2001ne yılnıñ 4 nçe sintäberendä iminlek kiñäşçese C.Rise-qa kontr-terrorizm tırışlığı kürsätergä öndegän xat yazdım , şul xatta höcümdä yözlärçe amerikan üterelsä sez häm başqaları üzlären niçek xis itäçäklär küz aldına kiteregez dip soradım dide. Kitabında Clark Bush administratsiäse 12nçe sintäberdä ük Al Qaidağa tügel ä Ğıraq häm Saddamğa höcüm oyıştıru yulların ezli başladı dip yaza. Bush räsmiläre şulsanda saqlanu ministırı Rumsfeld moña qarşı çıqtı.Rumsfeld administratsiä aylarça al Qaidağa qarşı üz planın äzerläde ,plan 11.sintäberdän elek tämamlandı dip äytte. Komisiä äzğası Bob Kerry äle dä yäşren totılğan plannı kürdem anda ber närsä dä yañalıq yuq dide. Kerry süzlärençä,(audio) saqlanu ministırınıñ urınbasarı Wolfowitz häm ministır Rumsfeld Clinton administratsiäse al Qaida turında bezgä plan tapşırmadı , bez 7,8 ay eşläp üz planıbznı buldırdıq dip äyttelär.Miñe bügen irtän plan belän tanıştırdılar. Qızğanıç ki administratsiä anı yäşren dip tota, anda ber närsä dä yuq.Planda kübräk diplomatie , basımnı arttırırğa çaqıralar.Nigezdä ul CİA direktorı Tenetneñ äle genä söylägän närsälär :qabilä suğışçların al Qaidağa qarşı qullanu häm ahırda mulla Ömerne bärep töşerergä tırışu Kiçäge çığışlarında Rumsfeld , Clinton çorındağı saqlanu ministırı Cohen dä Bin ladenne üterü höcümne tuqtatmas ide dip äytte..CİA direktorı da bu qaraşnı urtaqlaşa. Komisiäneñ älegä qädär ütkärgän tıñlawları, 2001nçe yılnıñ cäyendä küzläw xezmätläre mäğlümätläre zur höcüm äzerleklärenä işarä itkäneñ faş itte. Clark-qa qarağanda, ul yaña Bush administratsiäseneñ yuğarı däräcädäge räsmilären al Qaida qurqınıçı turında söyläşü öçen cıyılışqa da çaqıra almağan.Komisiä äğzası Gorelick 11nçe sintäberdän elek küzläw xezmätläreneñ yanaw, qurqınıçlar turında Bushqa birgän mäğlümät ''çäçne ürä torğızırlıq ''dip äytte

färidä xämit,praga
XS
SM
MD
LG