Accessibility links

дүшәмбе, 5 декабрь 2016, Казан вакыты 19:55

Yaña parlament eşen başlıy


Saylaw kampaniäläre tämamlandı. Rusiä Prezidentın öçen dä, Tatarstan deputatlarına da birelgän tawışlarnıñ tögäl sanı inde bilgele 24 martta Tatarstan Üzäk saylaw komissiäse saylawlarnıñ axırğı näticälären iğlan itte, ä 25ndä, firqä isemlege belän saylanğan 50 deputatqa waqıtlı tanıqlıqlar tapşırdı.Vladimir Putinğa Tatarstanda - 82, 58 %, Nikolay Xaritonovqa – 6,59%, İrina Xakamadağa – 3,11%, Sergey Glazyevqa – 2,41% tawış birelğän. Xäzer Tatarstan rayonnarında tawışlarnıñ niçek birelgänen dä belep bula. Rusiä Prezidentın saylağanda Ätnä rayonı xalqı, Vladimir Putin öçen, bar rayonnardan da kübräk tawış birgän - 98,6 %. Bua, Möslim häm Minzälä, annan az ğına qalışa, bu rayonnarda, xäzerge Rusiä Prezidentına 97 % birelgän. Ägerce, Aqtanış, Alekseyevskiy, Älkidä - 90% cielğan. Aznaqay şähärendäge tawış birü başqa törleräk barğan , Putin öçen 68% qına birelgän. Biredä, kommunistlar firqäse wäkile Nikolay Xaritonov 15% artıq tawış cia alğan. Älmättä, 12,8% saylawçı kommunistlarğa yaqlaw beldergän. Bawlı, Bögelmädä dä, Xaritonovnı belälär. Bu şähärlärdä ul 10 % tawış ciğan. Barlığı Tatarstanda kommunistlar öçen 7% yaqın tawış birelgän. Tatarstan Däwlät Şurası saylawlarında da kommunistlar firqäse şul tirä protsent ciydı. 7% az ğına citmäde (6,6%).

Respublika xalqınıñ 2, 18% «barısında da qarşı», tawış birgän. Şulay itep, qarşılıq belederüçe elektorat Tatarstanda da bar. Kommunistlarnıñ parlamentqa ütep kerüen dä, şunıñ belän dä añlatıp buladır.

25 martta Däwlät Şurasında firqä isemlege belän saylanğan 46 xakimiät firqäse deputatı belän bergä, 4 kommunistqa da waqıtlı deputat tanıqlığın tapşırdılar. Alar häm tağın deputat Ştanin, inde 26 martta uq bulası berençe utırışta, oppozitsiä wazifasın üti başlıy. Alar üzlären niçek totarlar, nindi täqdimnär kerterlär, comğa könne kürerbez.

26 martta könne yaña saylanğan deputatlarnı cawaplı eş kötä. Berençedän alar, räis, anıñ urınbasarların saylarğa tieşlär, komitetlarnı oyıştırıp, alarnıñ räislären bilgeläw burıçı da alar östendä yata.

Şunıñ belän bergä, Tatarstan Prezidentı da şul könne üzeneñ Yıllıq yullamasin da täqdim itärgä tieş.

Bikä Timerova.

XS
SM
MD
LG