Accessibility links

Rusiä BMO İminlek Şurasın İsraelgä qarşı resolüsiä mäs'äläsendä berdäm bulırğa çaqırdı


Rusiä, Berläşkän Millätlär Oyışmasınıñ İminlek Şurası wäkillären bügen İsraelneñ fälestin suğışçıları citäkçese şeix Äxmäd Yassinnı üterüen täñqitlägän resolüsiä mäs'äläsendä urtaq fikerdä bulırğa çaqırdı. İminlek Şurasına kergän berdän ber ğaräp ile – Aljir wäkile täqdim itkän rezolüsiä ölgese bügen Qazan waqıtı belän tönge 12dä tawışqa quyılaçaq. Resolüsiädä Hamas törkemen oyıştırğan Yassinnı üterü häm tınıç "xalıqqa qarşı höcümnärgä" täñqit belderelgän. Amerika Quşma Ştatları resolüsiägä veto salır dip kötelä, çönki anda Hamasnıñ 2000nçe yıldan birle yözlägän İsrael watandaşına qarşı höcümnär oyıştırğanı turında ber süz dä yuq.
XS
SM
MD
LG