Accessibility links

сишәмбе, 6 декабрь 2016, Казан вакыты 19:16

Acarstan başlığı Aslan Abaşidze Gruziä belän kileşügä barmıy


Gruziädäge Acarstan avtonomiäse başlığı Aslan Abaşidze bügen, cirle suğışçılarnı qoralsızlandırudan baş tarttı, alar töbäkneñ üz üzen yaqlıy aluı öçen kiräk, dip belderde. Gruziäneñ üzäk xökümäte häm anıñ respublikaları arasında bulğan suğışlarnı iskä alıp, Abaşidze – Acarstan yaxşı qorallanğan bulğanı öçen genä mondıy qanlı nizaqlarğa kermi qaldı, dide. Kiçä televidenie aşa çığış yasap Gruziä prezidentı Mixail Saakaşvili, Abaşidzenı Acarstannı qoralsızlandırırğa çaqırdı. Saakaşvilinıñ, Acarstan üzenä "çeçen yä ukrain" suğışçıların yallıy digän ğayepläwlären Abaşidze kire qaqtı. Şulay uq bu ğayepläwlärgä bügen Ukraina tışqı eşlär ministrlığı da protest belderde. Saakaşvili, Acarstannı yäkşämbe könne ütäçäk parlament saylawlarına qadär üz kontrolenä alarğa wağdä itkän ide. Yevropa Şurasınıñ parlament assamblyeası başlığı Peter Şieder kiçä, ike yaqnı da saylawlarnı ğadel häm irekle şartlarda uzdırırğa çaqırdı.

XS
SM
MD
LG