Accessibility links

җомга, 2 декабрь 2016, Казан вакыты 21:05

Gresiädä cäyge Olimpiä uyınnarı utı qabındı


Gretsiäneñ könyağında 2 meñ 780 yıl elek olimpiä uyınnarı barlıqqa kilgän Olimpiä isemle şähärdä bügen cäyge yarışlarnıñ utı qabındı. Din ähele xatını kiemendäge ber sänğatkär imeş borıñğı zamannarda bulğança qoyaş nurların közgegä yünältep utnı qabızdı häm anı Gretsiäneñ elekke çempionı Costas Gatzioudis'qa tapşırdı. Ul üz çiratında utnı Rusiä yözüçese Aleksandr Popovqa birergä tieş ide. Xalıqara Olimpiä komitetı prezidentı Jacque Rogge tantanada, bu ut böten keşeçelek dönyasın berläşterä, dip belderde: "İrlärne häm xatın-qızlarnı, yäşlärne häm qartlarnı, sälämät keşelärne häm sırxawlarnı, yuğarı däräcä sportçılarnı häm ğadi keşelärne, mäşxür keşelärne häm bilgesezlärne, bay ildä yäşäwçelärne häm yarlı illärdägelärne – bu ut bezne berläşterä. Utnı ber bereñä tapşıru – yarışlarnı cämğiätkä yaqınayta häm cämğiätkä uyınnarda qatnaşırğa mömkinlek birä," dip belderde olimpiä komitetı başlığı. Gretsiä başqalası Afinda cäyge olimpiä uyınnarı 13-29 avgustta ütäçäk.

XS
SM
MD
LG