Accessibility links

якшәмбе, 11 декабрь 2016, Казан вакыты 05:28

Stalin zolımınıñ qorbanı bulğan1 milion 450 meñ keşe turında kompakt disk çığarıldı. Barlıq qorbannar sanı kimendä 10 märtäbägä kübräk dip uylanıla


Russiäneñ tanılğan keşe xoquqları oyışmaları sovet diktatorı Stalin rejimı vaqıtında üterelgän qorbannarnıñ ber öleşeneñ isemlegen iğlan ittelär. Qorbannarnıñ biografiäläre häm yazmışları turındağı kompakt disk asılda Stalin çorında ezärleklängän, sörgengä cibärelgän häm üterelgän unar milionnağan sovet vatandaşıneñ keçkenä ber öleşen genä yaqtırta. Keşe xoquqları törkemnäre , Stalinnıñ populärlege arta barğan xäzerge çorda anıñ mirasın cämağätçelektä centekläp tikşerüne taläp itälär.

Amerikan filosefı George Santayana yış qına äytkän äyteme öçen telgä alına. Ul "ütkänen onıtqannar , anı qabatlarğa xökem itelä" dip äytkän bulğan. Russiäneñ aldınınğı keşe xoquqları oyışmaları bu atnada ber milion 345 meñ Stalin qorbanı turındağı informatsiä tuplanğan kompakt disk çığardılar. Şuşı uñaydan Çärşämbe könne ütkärelgän press-konferensiädä Memorial oyışmasınıñ başlığı Arsenı Roginski kompakt disktağı isemnär Stalin çorında ezärleklängännärneñ keçkenä ber öleşen genä täşkil itä dip belderde.

Audio

Soñğı sovet prezidentı Gorbacevnıñ üzgärtep qoru säyäsäteneñ arxitektorı dip xisaplanğan Aleksander Yakovlev şuluq mäsälägä qağılıp radiobıznıñ Mäskäv byurosı xezmätkärenä birgän ängämäsendä bolay dide

Audio

Stalin yaratıp telgä alğan dip äytelgän sitatlarnıñ berse bu- Ber keşeneñ ülüe fäciğä, milionnarnıñ ülüe statistika. Xäzer törmädä totılğan Mixail Xadorkovskiy tarafınan oyıştırılğan Açıq Russiä Belem Fondı xezmätkäre İrina Yasina şuluq press-konferensiädä yasağan çığışında, xakimiätlär Russiä belän ğorurlanunı propogandalağanda, küpkenä mäktäp häm xätta universitetta uquçıları Russiä tarixınıñ qaranğı säxifäläre turında bik az belälär dip belderde. Anıñ süzlärençä, suqır patriotiz, sälämät närsä tügel.

Audio

Mäskävdäge Andrey Saxarov Fondınıñ başqarma direktorı Yüri Samodurov monıñ belän kileşä. Anıñ süzlärençä, Rus mäktäplärendä häm xätta universitetlarda uqıtılğan däresleklärdä, Stalin tazartularınıñ, mäcbüri xezmät lagerlarınıñ , massa küläm sörgenneñ häm Gulaglarnıñ telgä alınmauı diärlek ilneñ uzğanın belep köçle cämğiät tözü säläten kimetä.

Audio

Tarixçılarnıñ belderüenä qarağanda, bügenge köndä dä äle Stalinnıñ yuq itü maşinasınıñ qorbanı bulğannarnıñ tögäl sanı bilgele tügel. Moña qaramastan xalq fikeren beleşüneñ näticäse, fikere soralğannarnıñ 45 ptotsentınıñ Stalin Russiä tarixında uñay rol uynadı digän fikerdä buluın kürsätte. Fiker beleşügä qarağanda, 1917-nçe yıldağı Üktäber revolutsisennän soñğı Russiä tarixındağı iñ uñışlı citäkçelär arasında Stalin ikençe urın bili. Berençe urında kem tora dip uylıysız? Sez xaqlı. Ul Vladimer Putin.

Färit İdelle. Praga.
XS
SM
MD
LG