Düşämbedä izrael boralaqları Xämäsneñ ruxi yulbaşçısı şäyx Yassinnı üterde.BMOsı iminlek şurasında rezolutsiä turında debatlar barğanda AQŞ wäkile dokumentta şulayuq Xämäs häm başqa suğışçan fälästin törkemnäreneñ isemnäre bulırğa häm alar da xökem itelergä tieş dip taläp itkän ide. Rezolutsiäneñ ximäyäçese Aljir moña qarşı çıqtı. AQŞ ilçese John Negroponte (audio)
Quşma Ştatları rezolutsiägä qarşı tawış biräçäk, Çönki bez resolutsiä Xämäsneñ terror ğämällärenä endäşmi , çönki ul yaqın könçığıştağı çınbarlıqnı çağıldırmıy, çönki ul töbäktä tınıçlıq wä iminlekne qıyulandırmıy digän qaraştabız dip söyläde.
İminlek Şurasınıñ 11 äğzası rezolutsiä proyektın yaqlap tawış birsä Germaniä, Britaniä häm Rumıniä tawış birüdän totılıp qaldı. AQŞ şuranıñ daimi äğzası bulğanlıqtan anıñ veto xoququ bar.Negroponte süzlärençä, AQŞ şeyx Yassinnıñ üterelüenä nıq borçıldı , İzraelneñ bu ğämäle Gazada häm töbäktä wazğiätne kierenkeländerde bu isä bezneñ tınıçlıq öçen tırışlıqlarıbızğa tiskäre täsir yasıy ala, waqıyğälärgä üz kontekslarında qararğa kiräk, İminlek Şurası ber yaqnı xökem itep ,töbäktä barğan başqa eşlärgä küz yomsa tınıçlıq urnştıruğa yardäm itmiäçäk. BMOdağı Germaniä wäkile Günter Pleuger, Berlin xökümäte İzraelneñ Yassinnı ütertüe qanunğa qarşı dip isäpli dip äytep(audio) Germaniä Yevropa Berlege tışqı eşlär ministırları şurasınıñ här ike yaqnı da açıqça xökem itkän 3 kön elek qabul itelgän belderügä turılıq bulıp qala . Germaniä Yevropanıñ urtaq pozitsiäsenä turı kilmägän rezolutsiäne yaqlıy almıy dide
Tawış birüdän totılıp qalğan Britaniäneñ wäkile Jones Parry süzlärençä (audio)
Britaniä rezolutsiä balanslı bulmağanlıqtan tawış birüdän totılıp qaldı . Dokument ber yaqnı köç qullanuçı dip atasa, İzraelgä yasalğan terror höcümnären xökem itmi, ul sivillärgä qarşı yasalğan terror höcümnären xökem itü belän çiklänä
Aljir ilçese Abdalla Baali rezolutsiä proyektın ütkärä almağannan soñ , dönyağa cinayätne ber tawıştan xökem itkän kündermä cibärä almadıq dide. İzrael ilçese Dan Gillerman (audio) şeyx Yassin küpläp üterüçe häm terrornıñ atası ide.Bez çınbarlıqnı añlap , tawış birgän äğzalarğa räxmätebezne belderäbez dide.
Rusiä İminlek Şurasınıñ konsensusqa ireşä almawına qızğanıç belderde.Fälästin xakimiätläre BMOda rezolutsiäneñ ütä almawı İzraelne bu tör üterülärgä qıyulandıraçaq digän borçılu belderde.
Çärşämbedä Jenevada urnaşqan Keşe Xoquqları Komisiäse Yasinnın üterelüen 2gä qarşı 32 tawış belän xökem itep çıqsa da ul ber nindi çaralar kürä almıy.
färidä xämit,praga
färidä xämit,praga