Accessibility links

пәнҗешәмбе, 8 декабрь 2016, Казан вакыты 09:10

Tatar folklorı samança yañğıradı


Ğabdulla Tuqay isemendäge tatar däwlät filarmoniäseneñ (Pavluxino uramındağı) konsertlar zalında Aydar Fäyzraxmanov citäkçelegendäge Tatarstan Respublikası Däwlät folklor muzıkası ansambleneñ konsertı uzdı.

“Aq qalfaqnıñ tabılğan çağı,-” dip isemlängän bu konsertta qatnaşuçılar arasında Finlyändiädä yäşäp icat itüçe rok- cırçı Denis Bädretdin da üzeneñ törkeme belän qatnaştı. Respublikanıñ fol''klor muzıkası ansamble citäkçese Aydar Fäyzraxmanovqa, konsert aldınnan, bu yaña programmağıznıñ maqsatı nidän ğibärät digän soraw birdek.Ul menä niçek cawap birde.

“Bik zur taşqın bulıp, efir aşa xalıqqa ,törle populyar rok, estrada muzıkası töşerelä. Şuşı taşqınğa qarşı çelteräp ağa torğan tatar xalqınıñ moñnarın, cırların, ğöref-ğadätlären, bäyrämnären säxnä aşa xalıqqa citkerü küzallana.”,-dide ul.

Tatarstannıñ xalıq artistı Aydar Fäyzraxmanov konsertnıñ programması häm Fol''klor muzıka ansambleneñ başlap cırlawçıları belän dä tanıştırdı.

“Programmada bulğan Samara ölkäsendä bielä torğan“Waqqa basu”, Baltaç, Yäşel üzän yaqlarında yaratıp bielä torğan, äle berkem dä kürmägän “Çabata” bieüe quyıldı. Borınğı “Qubızlı” biüen qızlarıbız tatar xatın –qızlarına ğına xas bulğan xäräkätlär belän kürsätä. Solistlar İlşat Valiev, El''wira Ğafurova, Almaz Nurgaliev, Ğayaz Fasiqov kebek yäşlärbez çığış yasayaçaq”,- dide ul.

Aydar Fäyzraxmanov ansambl''neñ aldağı könnärdä qaysı yaqlarğa gastrol''lärgä yul totuları turında da söyläde:

“Tön''yaqta zäñgär yağulıq belän şöğellängän xalqıbızğa, annan Kabardino Balkariägä, annan inde Finlyändiägä yul totabız”- dide ul”.

Şuşı uq könne, yäğni, 26 nçı marttta 15.00 säğättä Tatar däwlät filarmoniäseneñ Pawlyuxino uramındağı konsertlar zalında Denis Bädretdin belän matbuğat konferensiäse uzdı. Denis Bädretdin jurnalistlarğa 6-9 mayda Finlyändiädä, Xel''sinki şähärendä uzaçaq «Tatar canlı muzıka festivale»n oyıştıru belän şöğellängänen belderde. Tatarstannan bu festival''dä Aydar Fäyzraxmanov citäklägän TR däwlät fol''klor muzıkası ansamble qatnaşaçaq. Avstraliädän- Zölfiä Kamalova, Qırım tatarı,-Änwär İzmaylov çaqırılğan.

Azatlıq radiosı Mälikä Basıyr, Qazan.

XS
SM
MD
LG