Accessibility links

дүшәмбе, 5 декабрь 2016, Казан вакыты 11:39

Tatnet: Näcibä İxsanova on-line söyläşü uzdırdı




Bu atnada, İntertat.ru agentlığında Näcibä İxsanova qunaqta buldı. Ul forumğa kilgän sorawlarğa cawapların birep bardı, uquçılar belän internet aşa aralaştı. Näcibä İxsanovnıñ icatı belän qızıqsınuçılar Tatarstannıñ Alabuğa, Çallı, Qazan şähärlärennän, Çiläbe ölkäsennän sorawların şuşı internet säxifäse aşa yazıp cibärgän. Teatr söyüçelärne, artist bulu öçen nindi sıyfatlarğa iä bulırğa kiräk, tatar estradası, tormış iptäşe Tufan Miñnullinnıñ säyäsi eşçänlege turındağı sorawlar qızıqsındıra. Ber forumçı, «İnternet çeltären niçek küz aldına kiteräsez», dip sorıy. Näcibä İxsanova : «onıqlarım internet belän bik mawığa», dip cawap birä. «Kompyuterlarnıñ sälämätlek öçen zararlı ikänen uqıp-işetep beläbez, şuña borçılıp ta quyam»,- di ul. «İnternet xalıq öçen äle yat närsä. Şuña kürä, cayın belep eşlärdä kiräk» -, dip äytä tanılğan aktrisa Näcibä İxsanova. Ğaliäskar Kamal isemendäge teatr artistları turında kübräk belergä telisez ikän, bu mäğlümätne www.kamaltat.ru internet säxifäsendä ezli alasız.

Tatar muzıkasın internetta qayda tabıp bula?

www.mtss.ru - kebek säxifä tatar muzıkası, başqaruçıları, kompozitorları turında citdi yazmalarnı täqdim itä ala. Mp3 formatında cırlarnı tıñlarğa teläsägez, www.mtss.ru saytında «tatarovedenie» bülegendä ezlärgä kiräk. Biredä tatar muzıkası cäwhärläre, «Qazan yegetläre», «Zaman» törkemnäre, Zäynäp häm Zöfär cırları da bar. Fin tatarları cırları biredä ayırım urın alıp tora. Finländiädäge cırçı Cämilä häm «Başqama» ansambleneñ cırların Mäskäw tatar studentları berläşmäse genä täqdim itä.

Zamanında başqama ansamblendä qatnaşqan Denis Bädretdin comğa 26 martqa Qazanda buldı häm tatar filarmoniäsendä, konsertta qatnaştı. May başına, ul häm Finländiädäge başqa millättäşlärebez «Tatar muzıka» festivalen uzdırırğa teli. Bu festival turında www.mtss.ru, www.yaryakparyam.ru saytlarında tulıraq mäğlümlät tabıp bula.



Bikä Timerova.

XS
SM
MD
LG