Belä almassıñ bu täbiğat'neñ qılanmışların- atna-un kön elek kenä tubıqtan qar yırıp yöri idek, bügen tubıqtan su yırıp yöribez. İkençe kön yañğır yawa, qar küzgä kürenep eri. Alabuğa rayonı- könnär bolay torsa ike atnadan çäçügä çığabız dip belderde. Elek-elektän igençe yazğı çäçü aldınnan aşlıq ambarın barlağan. Monısı çäçülek, monısı yäşärgä dip axırğı isäp-xisabın totqan. Xäzerge zamanda xalıqqa bolay borçılası yuq. İkmäk kibettä özelmi- nindien telisen allağa şöker. Şulayda köz ber, yaz ber azıq-tölek qıybatlana ikän digän xäbärlär yöri başlıy. Bu yulı mondıy xäbärlärne töp mäğlümat çaraları quzğattı. Efirnıñ “Respublika“ häm däwlät telekanalınıñ “İtoği nedeli” atnalıq analitik programmalarınıñ töp öleşe ikmäk häm söt produktsiäseneñ bäyäläre artu şartların añlatuğa bağışlandı. Kiterelgän dälillär bik täfsille häm ışandırırlıq ide. Xalıqqa ipi häm söt bäyäläre artuğa äzer bulırğa kiräklege añlaşıldı. Xäyer Efir kompaniäse tamaşaçılarınıñ nervların qızğanıp tormadı da – bäyälär urtaça 15-20 protsentqa artaçağın äytep tä birde. İpi, söt bäyäläre Tatarstanda citeşterüçelärneñ satuçılarnıñ bernindi dä ay-wayına qaramıyça inde ber niçä yıl stabil' totıla ide. Xökümät soñğı yılda ikmäk bäyäsenä xättä marotoriy kertkän ide. İke balaların yannarın da asrağan dürt keşedän torğan ğadi ber ğailä äzerme soñ bulaçaq üzgäreşlärgä. Xucabikä belän söyläşäbez.
Şulay itep ipi-sötkä xäzerge bäyälärdä ğadi xalıqqa taman ğına yuğisä. Läkin bar närsädä xalıq telägänçä genä barmıy şul. Küpme rizasızlıq, mäxkämä eşlärenä säbäpçe bulğan toraq-kommunal' tüläwlär artuı da xalıq faydasına xäl itelmäde şul. Saylawlar uzu belän toraq öçen tüläwgä bermä-ber artqan bäyälärdäge xisap käğäzläre kilde. Prezident saylawlarınıñ berençe näticäläre mäğlüm bulğan töndä ber Mäskäw jurnalistınıñ-“Fäqirlek belän köräşü öçen baylarnı beterergä kiräkme ällä arttırırğa kiräkme” dip şayartıp utırğanı xäterdä. Küräsen bu maqsatqa ireşü öçen ike yunäleştä dä barırğa niätlänelgän.
Yunıs Ätnäle.
