Accessibility links

Кайнар хәбәр

BMO general sekretarı Kipr turındağı yañadan küzdän kiçerelgän planın täqdim itte


BMOsı general sekretarı Kofi Annan düşämbedä grek häm törek taraflarına küzdän kiçerelgän Kipr tınıçlıq planın täqdim itte.Söyläşülär bilgelängän waqıtta 31nçe martta uñışlı tämamlansa berläşkän Kipr 1nçe mayda Yevropa Berlegenä keräçäk.

Şwitsarieneñ Bürgenstock kurortında Kiprneñ grek häm törk yaqları 5 kön däwam itkän söyläşülärendä ike aradağı fiker ayırmalıqların tarayta almadı. K.Annannıñ bügen täqdim itkän 9meñ säxifälek dokumentta qayber nigezle üzgäreşlär bar dip belderelä.BMOsı 2002 nçe yılnıñ noyäberendä Kipr turındağı plannın äzerlägän ide. Şunnan birle aña üzgäreşlär kertelde. Bügen täğdim itelgän dokument plannıñ 4.nçe versiäse bulıp tora .Plannıñ bilgele bulğan qayber möhim maddäläre mondıy: 3nçe versiedä küzdä totılğan här ike maxallägä eçke eşlärendä zur aftonomiä birgän federal sistema yaña versiädä dä qaldırılğan.Törkiä, Grtesiä häm Britaniä utrawnıñ bäysezlegen garantiälägän illär bula. Kipr törekläreneñ territoriäse 5%qa kimetelep, utrawnıñ yaqınça 29% alarğa turı kiläçek..Planğa kürä, greklarğa kübräk cir birelsä dä, alarnıñ azırağı töreklär yağındağı öylärenä qayta alaçaq. .Kipr belän 9keşeden torğan( 6sı grek 3se törek) prezident şurası idarä itäçäk. Elekege kolonial köç Britanineñ utrawda xärbi baza öçen bilep torğan 254 kuadrat km territoriä yartılap kimetelä. Düşämbe kiç Gretsiä häm Törkiä pryemer ministlarınıñ qatnaşuı belän söyläşülär Annan bilgelägänçä 31nçe martqa qädär däwam itäçäk. Şunnan soñ 20nçe aprelda kiprneñ här ike maxalläsendä plan turında refendum ütkärelä.Kipr grekları parlamentı prezidentı Demetrios Kristofas Bürgenstockta konsensusqa ireşelerme yuqmı şuña qaramastan referendum ütkärelergä tieş dide . Anıñ süzlärençä(audio) İke citäkçse näticälärne ber yk waqıtta ütkäreläçäk ayrım referendumnarda täqdim itergä tieş.Bu yäklämä bulıp tora. Kiprnıñ törek tarafı tışqı eşlär ministırı Serdar Denktaş bez optimisik yäki pesimistik qaraşta tügel bez realistik bulırğa tieşbez dide. Denktaş (audio) Planda yazılğan närsälär ğämälgä quyıla alırmı kipr törekläre dä kipr grekları da ütkändä qıyın könnär yäşäde, här ike yaq ta ul çorğa yañadan qaytırğa telämäs dip uylıym. Törkiä televidiniäse mäğlümätenä qarağanda , taraflar yaña versiä turında K.Annanğa irtägä irtän üz fikerlären belderergä tieş. Şunnan soñ çärşämbe kiçkä qädär taraflarnıñ söyläşüläre däwam itä. Yäkşämbedä ütkärelgän cirle saylawlarda zur ciñügä ireşkän premier Erdoğan öydä millätçe opozitsiägä qarşı üzen nığıttı.Ul Kipr mäsäläsen çişü Törkiäneñ Yevropa Berlege belän söyläşülärendä zur ähämiätkä iä buluın belä. Çärşämbe kiçenä qädär Bürgenstockta kileşelä almasa, Kiprneñ könyağı gına 1.nçe mayda Yevropa Berlegenä käräçäk .Ä üze berlekkä kerergä telägän Törkiä Berlek territorieäsen okupatsiäläp torğan il bulaçaq.

färidä xämit,praga
XS
SM
MD
LG