Accessibility links

чәршәмбе, 7 декабрь 2016, Казан вакыты 19:22

Tatarstan Däwlät Şurasındağı urınnar bülenep bette




Yaña saylanğan Däwlät Şurasınıñ berençe sessiäse bäxäsle buldı. Oppozitsiä wazifasın ütärgä alınğan deputatlar, üz rol’lären berençe könnän uq başqara başladı. Läkin, säyäsät belän qızıqsınuçılarnıñ iğtibarın, Aleksandr Ştaninıñ häm kommunistlarnıñ çığışları tügel, ä yaña saylanğan räis urınbasarlarnıñ, komitet başlıqlarınıñ isemnäre nığraq cälep itte.

Parlament räise itep Färit Möxämmätşin sanlanğaç, ul, ike urınbasar urınına Yuriy Qamalıtdinovnı häm Rimma Ratnikovanı täqdim itte. Alarğa deputatlar da ışanıç belderep, saylap quydı. Valentina Lipujina da Däwlät Şurası särkätibe wazifasın başqara başladı. Däwlät tözeleşe häm cirle üzidarä komitetı belän Aleksandr Fedorov citäkçelek itäçäk, fän, mäğärif, milli mäs’älälär yañadan Razil Wäliev qulında bula. Rinat Abdullin ekologiä, tabiğät baylıqları, cir belän qullanu komitetı başlığı itep saylandı. Marat Ğäliev iqtisadi mäs’älälär belän şöğellänäçäk, Aleksandr Gusev – qanunçalıq, deputat etikası komitetı başlığı bulaçaq. Byudjet, salım häm finans mäs’älälär belän yañadan İlsur Safiullin şöğellänergä tieş. Bu keşelärneñ kübese, «Berdäm Rusiä» firqäsennän saylanğan deputatlar. Kommunistlarğa komitet eläkmäsä dä, Aleksandr Saliynı Däwlät Şurasınıñ Prezidiumına kertkännär. Anda şulay uq, hönär berlekläre başlığı Tatyana Vodopyanova, Federal İminlek xezmäteneñ Tatarstan idäräseneñ elekke başlığı Aleksandr Gusev, deputat Robert Miñnullin da bar.Elekke parlamentta urınbasar bulıp eşlägän Robert äfände, xäzer başqa eş belän şöğellänäçäk. Ul ike däwlät telendäge qanunnarnıñ ber bersenä täñgällegen tikşerüçe komissiä başlığı itep saylandı. Şulay itep, Tatarstan qanun çığaru oyışması tulısı belän oyışıp bette.

Bikä Timerova.

XS
SM
MD
LG