Accessibility links

шимбә, 3 декабрь 2016, Казан вакыты 05:26

İñ yaxşı tatar äsäre -«Telsez küke»


27 mart –xalıqara teatr köne. Bu uñaydan şimbä könne teatr ähelläre Kamal teatrında cıyıldılar. Zalda Tatarstannıñ törle töbäklärennän kilgän mädäniät, sänğät eşlekleläre, yazuçılar, şağirlär, artistlar cıyılğan ide. Bäyräm tantanası 1906 yılda milli teatrnı oyıştırğan İl'yas Kudaşev-Aşkazarskiy, Ğabdulla Karievlarnı iskä aludan başlandı.

Bu mäclesneñ iñ yuğarı noqtası «Yaña tatar p'yesası» dip atalğan bäygeneñ yomğağı buldı.

Bäygedä qatnaşqan ädäbi äsärlärne, inssenirovkalarnı uqıp çığarğa häm alarğa bäyä birergä Mirqasıym Ğosmanov citäkçelegendä 11жюри äğzası qatnaşa.Mirqasıym Ğosmanov yomğaq yasap menä närsälär dide: «111әсәрдән 35 әсәр сайлап алынды.Шул әсәрләр арасыннан 14 әсәр бүләккә лаек дип табылды.Калган 21әсәр дә җыентык итеп чыгарылачак»«,—диде ул.

Qamal teatrı oyıştırğan bu bäygegä aqçalata xäyriä yärdämen İlşat Färdiev citäklägän Tatenergo berläşmäse bulğan. Ciñüçelärne bik mul itep qotladılar.«Cıyın» oyışması da büläklär tapşırdı.

«Yaña tatar p'yesası»bäygeseneñ Öçençe urınına layıq bulğan «Timer borçaq» äsäre avtorı Londonda yäşäwçe Rawil Buxaraev buldı.

İkençe büläkne «Xökemdar»äsäre öçen Rqail Zäydulla häm Röstäm Sabirğa tapşırdılar.

«Ä iñ yaxşı äsär»dip Zölfät Xäkimneñ«Telsez küke»äsäre ataldı.

Äsärne säxnägä quyarğa p'yesa itep äzerlägäne öçen «İñ yaxşı inssenirovka» bülägenä Tatarstannıñ atqazanğan artistçası Täslimä Fäyzullina layıq buldı.Ul Nabirä Ğımätdinovanıñ «Ut kübäläge» isemle äsären p'yesa itep yazğan.

Kürenekle yazuçılar, rejisserlar, dramaturglarnıñ da äsärläre bäygegä alınğan 10 äsär arasında bar ide.

Rabit Batullanıñ «Cimerelgän bäxet» häm «Ana qarğışı»,Aydar Xälimneñ «Päri tuyı» ,Zölfät Xäkimneñ tağın ber«Bit»dip atalğan äsäre, Mädinä Malikovanıñ «Söembikä» äsäre, Fänäwil Ğälievnıñ «Tutıqqan qıñğıraw», Amanullanıñ «Ber kirpeç, ike kirpeç», Äsfär Yarudinnıñ «Ber qoyaş astında» äsärläre äytelde.

Şulay uq bäygedä qatnaşuçılar arasında iñ yäş «Kötelmägän qayğı» isemle äsärneñ avtorı,Aznaqaydan, Läysän Gäräeva buldı. «Tatarstan Yaña ğasır» kanalınıñ räis urınbasarı Miläuşä Aytuğanova anıñ äsären televizion fil'm öçen , ä Biktaşewnıñ «Yul ğazabı»äsären radio öçen aldıq»,- dide .

Mädäniät ministrı İldus Tarxanov şağir İldar Yuzeev belän şağirä Gölşat Zäynäşewağa mädäniät,ölkäsendä zur xezmätlär kürsätkäne öçen maxsus büläklär tapşırdı.

Bu bäygeneñ yomğaq tantanasında 2004 yılda tağın ber bäyge iğlan itelde. Ansında inde yäş avtorlar qatnaşaçaq. Yaña iğlan itelgän bäyge turında da aldağı tapşırularıbızda söylärbez äle.

Mälikä Basıyr. Qazan.

XS
SM
MD
LG