Accessibility links

пәнҗешәмбе, 8 декабрь 2016, Казан вакыты 09:04

Berençel näticälär Gruziädäge parlament saylawlarında prezident Mixail Saakaşvili partiäsemeñ ciñep çığuın kürsätä


Gruziädä xökümättän bäysez oyışma Ğädel Saylawlar Fondı bezneñ bäysez isäpläwlärgä qarağanda kiçä ütkän parlament saylawlarında Prezident Mixail Saakaşvili partiäse 68 protsent tawış cıyğan bulırğa oxşağan dip belderde. Bu fond belderüençä, Uñ oppozitsiä – sänäğätçelär dip ataluçı oppozitsion partiä 8 protsent çaması, Adjariä citäkçese, Aslan Abaşidzenıñ Yañarış partiäse 7 protsenttan beraz kimräk tawış cıyğan. Berençel räsmi isäpläwlärgä qarağanda isä, tawışlarnıñ sanalğan 9 protsentı Saakaşvili citäkçelegendäge Milli xäräkät – Demokratlar blogınıñ 76 protsent tawış cıyuın kürsätä. Uñ Oppozitsiä – Sänäğätçelär 7 protsentlı kirtäne ütep parlamentqa kerä alğan berdän-ber oppozitsion partiä bulırğa oxşağan. Yañarış partiäse 1 protsenttan kimräk tawış cıyğan dielä. Ämma bu räsmi isäpkä Adjariädäge saylaw näticäläre kertelmägän. Kiçä tawış birü tämamlanğannan soñ Saakaşvili bu saylawlar irekle häm ğädel buldı dip belderde:

AUDİO: Qızğanıç ki, oppozitsiä bik az tawış cıydı. Ämma bu ğädel saylawlar buldı. Bez bu saylaw näticälären üz faydabızğa üzgärtä almıybız häm bez bu saylaw näticälären oppozitsiä faydasına da üzgärtä almıybız.

Kiçä 235 urınlı Gruziä parlamentındağı 150 urınğa qabat saylawlar ütklärelde. Noyäbr saylawlarındağı 85 deputatnıñ ciñüe ğämäli dip tanıldı häm ul urınnarğa qabat saylawlar ütkärelmäde.

XS
SM
MD
LG