Accessibility links

пәнҗешәмбе, 8 декабрь 2016, Казан вакыты 14:59

Ğiraq İdarä Şurası äğzalarına yaña höcümnär bulırğa mömkin


Ğiraq waqıtlı xökümäteneñ yustitsiä ministrı Häşim äş-Şibli AQŞ bilgeläp quyğan Ğiraq idarä şurası äğzalarına yaña höcümnär bulır dip isäpläwen belderde. Kiçä Ğiraq xökümäteneñ cämäğät eşläre ministrı Nisrin Berwariğa höcüm näticäsendä anıñ maşina yörtüçese häm tän saqçısı hälak buldı, ministr üze isän qaldı. Häşim höcümnär İdarä Şurası äğzaların Ğiraqnı yañadan qoru eşennän tuqtata almıyaçaq dide. Bügen Ğiraq İdarä şurası äğzaları BMO wäkile Carina Perelli belän oçraşıp Ğiraqta ütäçäk ğömümi saylawlarğa äzerlek turında söyläşte. AQŞ xärbiläre kiçä AQŞ soldatları Ğiraq xökümäte äğzalarına, Ğiraq iminlek köçlärenä häm koalitsiä ğäskärlärenä höcümnärdä qatnaşqan dip şiklänelüçe 4 keşene üterde dip belderde.

XS
SM
MD
LG