Accessibility links

якшәмбе, 11 декабрь 2016, Казан вакыты 13:03

Tağın 7 il räsmi räweştä NATOğa kerde. Rusiä moña qarşı


NATO 7 yaña ilne xärbi berektäşlekkä räsmi räveştä qabul itte. Şulay itep NATO xäzer Russiä belän çiktäş xärbi berektäşlekkä äylände. Düşämbedä Aq Yortta ütkärelgän tantanada prezident Buş yaña ağza illärne qotladı. Şuşı tantanada Estoniä, Latviä, Litva, Bolğarstan, Rumıyniä, Slovakiä häm Sloveniäneñ premierläre qatnaştı. Alar elegeräk oyışmağa kerü turındağı dokumentlarnı AQŞnıñ dävlät sekretareı Colin Powellğa tapşırdılar.

AQŞ prezidentı Buş şuşı illärneñ salqın suğış çorında Sovetlar Berlegeneñ iärçene buluların iskä töşerep bolay dide

Audio

"Şuşı 7 ilneñ xalıqları ber imperianıñ äsire idelär. Alar tirannıñ äce tämen tatıdılar. Bäysezlek öçen köräştelär. Qıulıq häm nıqlıp kürsätep azat buldılar häm xäzer bezneñ belän bergä şuşı olu berektäşlektä tiñ xoquqlı partner bulıp toralar."

7 yana ilneñ räsmi räveştä berektäşlekkä kerüe belän NATOda ağza illärneñ sanı 26-ğa citte. Çomğa könne şuşı illär NATOnıñ başkavrtirı urnaşqan Brusseldä rösmi räveştä berençe ciılışta qatnaşaçaqlar. Kileşügä esasän, şuşı illärneñ berse höcämgä duçar bulğan xäldä, qalğan illär aña xärbi yaqtan yardäm itärgä tieşlär. Albaniä, Xorvatiä häm Makedoniä dä yaqın kiläçäktä NATOda ağza bulırğa telilär. Prezident Buş NATOnıñ işekläre Yevropa tınıçlıqta häm ireklektä berläşkänçegä qädäre açıq bulaçaq dip belderde. Ul şulay uq xärbi berektäşlek aldında zurıraq missiä tora, ul da bulsa xalıqara terrorğa qarşı köräşü dip tä belderde.

Audio

"Bügenge köndä berektäşlegebezneñ yaña döşmanı bar. Ul Nyu York häm Madrittä ğäyepsez keşelärgä ülem kiterde. Terroristlar berektäşlek yaqlağan närsälärgä qarşı. Alar ireklegebezgä qurqınıç tudıra. Alar berdämlegebezdän qurqa. Bezne bülgälärgä teli. Alar moña ireşä almayaçaqlar . Bez bülenmäyäçäkbez."

NATO general sekretarı Yaap de Hoop Sxefer kiñäytügä qarşı çıqqan Russiäneñ borçıluı öçen säbäp yuq, Russiä NATOnı kiñäytüneñ üzenä qaşı yünälderelmägän buluın añlıy . NATOnıñ Russiä belän mönäsäbätläre nıq dip belderde. Läkin, Russiäneñ tışqı eşlär ministerlegeneñ süzçese Aleksander Yakovenko, xökümätneñ bigeräktä Estoniä, Latviä häm Litvanıñ NATOda ağza buluına äle dä qarşı buluın qabatladı.

Audio

Elegeräk isä Federatsiä Şurası räise Sergey Mironov Mäskävneñ NATOnı cäyelderügä qarşı buluın belderde. Anıñ süzlärençä, Russiä qorallı köçläre suğışqa äzer xäldä häm alar cäyelderü näticäsendä çik buyında xasıyl bulğan täräqqiätkä yaraqlaşaçaq .

Färit İdelle, Praga.
XS
SM
MD
LG