Accessibility links

җомга, 9 декабрь 2016, Казан вакыты 09:00

Tatarstan Konstitutsiäseneñ qayber matdäläre ğämäldän çığarıldı


Tatarstannıñ Yuğarı mäxkämäsendä Rusiä general prokurorı urınbasarı Aleksandr Zvyagintsevnıñ respublikanıñ Konstitutsiäsenä qarata protestı qaraluı däwam itte. 31 mart könne mäxkämä üzeneñ qararı belän Tatarstannıñ töp qanunınıñ qayber matdälären ğämäldän çığaru turında qarar qıldı. Bu matdälär arasında respublikanıñ suverenitetın bilgeläwçe häm prezidentqa nämzätneñ ike däwlät telen belü xaqındağılar bar. Aleksandr Zvyagintsevnıñ protestında iskä alınğan başqa matdälär älegä ğämäldä qaldı.

Çärşämbe könne Tatarstan Däwlät Şurasınıñ räise Färit Möxämmätşin Mäskäwdä buldı. Anda ul Rusiä qanunçıları Şurasınıñ utırışında qatnaştı. Rusiä Federal cıyılışınıñ räise Sergey Mironov alıp barğan bu utırışta urman xucalığın üsterü mäs’äläläre tikşerelde. Tatarstan xäbärläre belän tanıştırunı däwam itäbez. Şul ul könne respublikanıñ premyer-ministrı Röstäm Miñnexanov citäkçelegendäge delegatsiä İtaliägä räsmi vizitın tämamlap, Qazanğa qayttı.

1 aprel’dä Qazanda Berläşterelgän şähärlär häm cirle xakimiätlär Xalıqara oyışması wäkilläre cıyılaçaq. Alar cirle üzidarä mäs’äläläre xaqında kiñäşläşep, başqalada älege oyışmanıñ töbäkara bülekçäsen oyıştırıp, monda anıñ ştab-kvartirasın urnaştırırğa uylıylar. Oyıştıru sessiäse 2 aprel’dä Qazan milli mädäniät üzägendä uzaçaq. 31 mart könne Qazan şähäreneñ xalıq deputatları Şurasınıñ 19 sessiäseneñ däwamı uzdı. Bu sessiäneñ ikençe utırışında bezneñ xäbärçebez Yunıs Ätnäle dä bulıp qayttı. Xäzer anıñ yazmasın tıñlağız.

31 mart könne respublikanıñ Mäğärif ministrı Faris Xarisov İntertat.ru elektron gäcitendä mäğärif ölkäsendä eşläwçelärneñ häm qızıqsınuçılarnıñ küpsanlı sorawlarına cawap birde. Ministrğa uqu-uqıtu protsessı, milli mäğärif, mäktäplär, uqu äsbapları, däresleklär, mäğärif oyışmalarında dingä mönäsäbät, äxlaqıy tärbiä häm başqa bik küp temalarğa sorawlar birelde. Şulay uq İntertat.ru qullanuçıların uqıtuçılarnıñ häm uquçılarnıñ sälämätlegen saqlaw mäs’äläläre dä bik borçıy ikän. Mäğärif ministrlığı tarafınnan inde berniçä yıl respublika mäktäplärendä alıp barılğan sälämätländerü programması ayıruça qızıqsınu uyatqan. Xarisov häm anıñ yärdämçeläre älege häm başqa sorawlarğa bik tırışıp, qısqa ğına, añlayışlı itep cawap birdelär.

Gölnaz İlgizär

XS
SM
MD
LG