Accessibility links

пәнҗешәмбе, 8 декабрь 2016, Казан вакыты 05:01

G.Bushnıñ iminlek kiñäşçese mäxsus komisiä aldında çığış yasayaçaq


AQŞ xökümäteneñ 11 sintäber höcümenä kürsätkän mönäsäbätne tikşergän mäxsus komissiä aylardan birle prezidentnıñ milli iminlek kiñäşçese G.Rice-ne tanıqlıqqa çaqıra.Ämma Bush administratsiäse ölkän räsmilärneñ andıy tıñlawlarğa qatnaşmaw privilegiäse bar dip qarşılıq kürsätep kilde. Komisiä belän xezmätäşlek itelsen digän basımnıñ artuı säbäple Aqyort pozitsiäsen üzgärtep Riceneñ komisiä aldına çığuına riza buldı.

G.Riceneñ komisiä aldına çığuı kiläçäktäge komisiälär öçen presedent xäl bulmayaçaq. Rice xosusi räweştä komisiädäge tıñlawlarğa qatnaşqan bulsa da, Panel räise Thomas Kean min anıñ cämäğätçelek aldında çığış yasauın telim , bu Amerika xalqına xökümät sezne terror höcümennän saqlaw öçen qulınnan kilgänne eşli dip inandırırğa yardäm itäçäk dide. Rice kiläse atna başında komisiä aldına çığaçaq dip kötelä.Ütkän atnada Aqyortnıñ eleke kontr-terrorizm başlığı Richard Clarknıñ näşer itkän kitapta häm komisiä aldındağı çığışında Bush administratsiäse 11nçe sintäberdän elek terror qurqınıçına ciddi mönäsäbät kürsätmäde dip belderüennän soñ,Riceneñ çığışı ayrım ähämiätkä iä.Rice küp kenä radio –televidiniä çığışlarında Clarke äytkänärenä qarşı çıqtı.60minut isemle Amerikan xäbär programamsında ul(audio) minemçä in yaxşı närsä komisiä aldında tanıqlıq itür bulır ide. Min çınlap ta şulay eşlär idem,ämma monda küptänge prinsıp bar- iminlek kiñäşçeläre kongress aldında tanıqlıq itmi. dip äytte. läkin 48 säğät tä ütmi Rice ta Aqyort ta fikerlären üzgärtte. Bu turıda fikre soralğan komisiä citäkçese Kean bolay dide(audio) Minemçä prezident häm Aqyort Dr.Rice çığışınıñ cämäğätçelek häm komisiä eşe öçen möhim buluın añladı.Bez prezident häm Aqyort söylägän konstitutsiä prinsıbınıñ ähämiäten añlıybız.Häm bez komisiä äğzası bularaq prezident privilegiäse prinsıbın nıq yaqlıybız. Ämma bez ber yk waqıtta bu çınbarlıqnıñ keşeçelek tarixında ğädättän tış waqıygä buluın da tanıybız. Riceneñ tanıqlığı Amerikada xakimiätne büleşü turındağı debatlar belän bäylängän. Kabinet äğzaları kongres aldına çığarğa tieş, çönki alarnı senat raslağan. Ämma iminlek kiñäşçese prezident tarafınnan täğäyenlängän kongress tarafınnan raslanmağan. Şunlıqtan Bush üzennän eleke ilbaşları kebek üze täğäyenlägän keşeneñ tanıqlıq itüen telämäde. Kiçä ul jurnalistlarğa fikeren üzgärtüe turında (audio) Min xezmätäşlek itergä quştım ,çönki minemçä 2001nçe yılnıñ 11nçe sintäberendä watandaşlarıbıznıñ üterelüennän eleke aylar yıllar turında tulı mäğlümätkä iä buluıbız möhim dip äytte. Waşingtonda Amerika Universitetında tarix häm säyäsi fännär profesorı Alan Lichtman süzlärençä, xakimiätne büleşü konstitutsion prinsıp häm bu AQŞta köçlärne tängälläşterü mäqsatın quya. Lichtman bolay dide:(audio) AQŞqa nigez salğan babalarız respublikada nindider fraksiä xökümät östennän kontrol urnaştırır häm Amerika xalqına basım yasar digän qurqınıç kürgän.Moñı buldırmas öçen alar xakimiätne xökümätneñ 3 tarmağı arasında bülgän. Xakimiätne bülü belän babalarıbız Amerikanı tirannardan saqlap qalırğa omtıldı. Bush administratsiäse başta 11nçe sintäber komisiäsenä qarşı çıqtı. 10keşelek komisiädä 5 demokrat 5 respublikan utıra. Ämma Lichtman Bush komisiä kiläçäk näticälärgä borçılmasqa tieş dip uylıym, çönki (audio) bu abruylı , bitarf komisiälär ğädättä xakimiättäge administratsiäne yañaw belän qızıqsınmıy ,Alar tarafsız, kompromisqa bara ala , anda tanılğan şäxeslär utıra häm ğomumän alar xakimiätäge prezidentqa zarar kitermi dip söyläde

färidä xämit,praga
XS
SM
MD
LG