Accessibility links

якшәмбе, 4 декабрь 2016, Казан вакыты 09:08

Näzifä Kärimova tatar jurnalistikasındağı qazanışları öçen "Söyembikä" beläzegen aldı


Uzğan atnada Mäskäwdä tağı ber möselman ğailäse arttı. Tatarstannıñ Rusiä federatsiäsendäge wäkälätle wäkillege binasında Rusiä möftiläre räise Rawil Gaynetdin Aliä häm Röstämgä nikax uqıdıÄlbättä Mäskäwdä nikaxlap ütkärelgän tuylar beräw genä dä bulmağandır ul könne. Läkin bu tuy Mäskäw tatar- başqort Zıyalıları klubında da däwam itte. 27 martta Zıyalılar Klubında yäş parnı qotlaw Söembikä jurnalı redaksiäse belän oçraşu qısalarında ütte. Böten dönya tatar xatın -qızları häm ğailä jurnalı bularaq bilgele bulğan Söyembikäneñ Mäskäw yäşlären yaña ğailä qoruları belän qotlawı Klub eğzelere bulğan äti-äniläre tarafınnan bik söyeneçle waqiğa itep qabul itelde.Bu ğailä xaqında Söembikä jurnalınıñ baş redaktorı Firaya Bädretdinova bolay dide.

“Söyembikä” jurnalı qotlawlarına Böten dönya Tatar Kongressı da quşıldı. Bu oçraşuğa maxsus kilgän Kongressnıñ matbuğat üzäge citäkçese Gölnaz Şäyxi yäşlärgä maxsus büläk tapşırdı. Şulay itep Zıyalılar klubı aşa Mäskäw belän Qazan arası tağı da yaqınaydı häm bez Tatarstannıñ cılı mönäsäbäten toydıq. Zıyalılar klubına oçraşuğa kilgän Tatarstannıñ xalıq artistı Gölzada Safiullina , Tatarstannıñ atqazanğan artistı Röstäm Zakirov häm Alsu Färidä duetı oçraşunı zur bäyrämgä äyländerde.

Şunısın da äytergä kiräk ike ay elek kenä üzeneñ 10 yıllıq yubileen ütkärgän “Zıyalılar” Klubında bu oçraşu yubiley temasın däwam itte. Çönki “Zıyalılar” klubında “Söyembikä” jurnalı redaksiäse belän berençe oçraşu 1995 yılnıñ mart ayında näq 10 yıl elek bulğan ide. Şuşı un yıl eçendä jurnalda nindi üzgäreşlär, nindi yañalıqlar buluı xaqında Mäskäw zıyalılarına jurnalnıñ baş redaktorı Firaya Bädretdinova söyläde. Şulay uq jurnalnıñ xezmätkärläre şağirä İlsöyar İxsanova, rässäm Alsu Timerğalina, fotograf Ğazinur Xafizov, jurnalistqa Mädinä Avzalova, Ruşaniä Kamalova da qatnaştı bu oçraşuda. Klubnıñ iñ aktiv un xatın qızı jurnalnıñ yıllıq yazması belän büläklände. Mäskäwlelärdä dä un yılda zur uzgäreşlär bulğanı, xalıqnıñ tuğan möxitenä yaqınayuı sizelde. Bu kiçädä mäskäwlelär icat itkän Söyembikägä bağışlanğan cırlar da yañğıradı. Kiçä Roza Xabibullina başqaruında Röstäm Nevretdinovnıñ Näzifä Kärimova şiğerenä yazğan Söyembikä cırı belän başlanıp kitte. Oçraşunıñ axırında cırçı häm kompozitor Nailä Fatexova üze icat itkän Söyembikä digän cırnı başqardı.

Läkin Söyembikä jurnalınıñ “Zıyalılar” klubında oçraşuı anıñ belän genä tämamlanmadı. Alarnıñ tağı ber missiäse bar ide. “Söyembikä” jurnalı här yılnı milli ictimaği xäräkättä, cämğıäwi tormışta, xalıq mäğärifendä, jurnalistika ölkäsendäge xezmätläre öçen öç xatın qıznı üzeneñ 1999 yıldan birelä başlağan “Söyembikä” beläzege belän büläkli. Bıyıl şul öç xatın qız arasında, Mäskäwneñ Zıyalılar klubı direktorı, jurnalist Näzifä Kärimova da bar. Bıyılğı Söyembikä beläzegenä layıq bulğannarnıñ tağı ikesen dä äytep kitik. Alarnıñ berse Amerika yäşäwçe Şämsiä Apaqay, ikençese, Qazannıñ ikençe Tatar gimnaziäse direktorı häm Aq Qalfaq xatın qızlar oyışması räise Kämäriä Xämidullina.

Bu oçraşuda Söyembikä jurnalınıñ baş redaktorı urınbasarı Marat Ämirxanov ta bar ide. Ul inde Zıyalılar klubında ikençe tapqır. Berençe tapqır ul un yıl elek bulğan ide bu Klubta. Marat Ämirxanovnı da tınlıyk ele.

Yazmanı “Azatlıq” radiosı öçen Mäskäwdän Roza Şakirova äzerläde.

XS
SM
MD
LG