Accessibility links

якшәмбе, 11 декабрь 2016, Казан вакыты 03:28

Sverdlovda yazğı seminar


Yazğı kanikul könnärendä Sverdlov ölkäse möselmannarınıñ Qazıylat idäräse Pervoural'ski şähär mäçetendä mäktäp balaları öçen ruxi seminar oyıştırdı. Seminarğa sigez yäştän undürt yäşkä qädär bulğan mäktäp balaları yöri. Töşke aşqa qädär alarğa islam tarixı, äxlaq häm tatar tele däresläre uqıtıla. Öylä namazınnan soñ qızıqlı uyınnar yärdämendä başta birelgän däreslär berketelä.

Kanikul waqıtında çın küñelläre belän qızıqsınıp mäçetkä yörüçe balalar belän oçraşırğa barğaç, bez matur zäñgär külmäkle, aq yualıqlı, mölderäp torğan zur qara küzle 10-11 yäşlärdäge qız balağa iğtibar ittek. Tanışıp kittek. Ul İlnara Däwlätova bulıp çıqtı. Äti-änise Başqortstan yağınnan, üze Pervoural'skida tuıp üskän. Ğailädä gel tatar telendä genä aralaşqanlıqtan, İlnara tuğan telen yaxşı belä. Ul ğına da tügel, mäçetkä yış yöri, balalar öçen oyıştırılğan çaralarda daimi räweştä bik teläp qatnaşa. Qazıylat idäräse daimi räweştä oyıştırıp torğan şuşındıy çaralar yäş buınnı tärtiple, itağat'le itep üsterüdä, millätebezneñ taza, matur kiläçägen buldıruda zur öleş kertä.

Fäwiä Safiullina. Yekaterinburg.

XS
SM
MD
LG