Accessibility links

шимбә, 3 декабрь 2016, Казан вакыты 12:48

Paul Bremer Ğiraqtağı kiçäge üterülär cäzasız qalmıyaçaq dide


Bügen Ğiraqtağı AQŞ waqıtlı idaräse başlığı Paul Bremer kiçä kileşü nigesendä eşläwçe 4 çit il eşçesen häm 5 amerikan soldatın üterüçelär cäzasız qalmıyaçaq dide:

AUDİO: Kiçä xezmät itkän urınnarında bulğan höcüm näticäsendä 5 qıyu soldat üterelde, soñraq 4 amerikan utırğan maşinağa höcüm itep alarnı üterep mäyetlären wäxşilärçä mısqılladılar. Bez bik tübän häm ğafu itelmäslek ğämällär kürdek. Alar barlıq dinnärneñ, şul isäptän İmsamnıñ töp qanunnarın, şulay uq sivil cämğiätneñ nigezlären boza. Alarnı üterü cäzasız qalmıyaçaq.

Kiçä Bağdadtan könbatıştağı Falluja şähärendä kileşü nigezendä eşläwçe 4 tözüçe maşinada barğanda alarnı granatalar atıp tuqtatqannar häm mıltıqlardan ut açqannar. Häm maşinadağılarnıñ mäyetlären kisäklärgä turağannar. Qayberläreneñ yanğan mäyetlären uramnar buylap söyräp yörtkännär. Falluja yanında 5 amerikan soldatınıñ ülemenä isä maşina yulına quyılğan mina säbäp bulğan. AQŞ xärbiläre äytüençä, bu yılnıñ mart ayında ğına Ğiraqta kimendä 48 amerikan soldatı ülgän.

XS
SM
MD
LG