Accessibility links

Кайнар хәбәр

Yewropadağı 5 ildä ütä sulçı törek suğışçan törkemenä qaşrı oyıştırılğan reydlar näticäsendä 41 keşe totqarlandı


Xäbär agentlıqları Törkiä häm İtaliä räsmiläreneñ Yewropadağı 5 ildä ütä sulçı törek suğışçan törkemenä qaşrı oyıştırılğan reydlar näticäsendä 41 keşe totqarlandı digän süzlären tapşıra. Törkiäneñ Anadolu xäbär agentlığı isemnäre atalmağan räsmilär äytüençä bu keşelärne Törkiä, İtaliä, Germaniä, Belgiä häm Niderland politsiäse totqarlağan. İseme atalmağan törek räsmie Associated Press agentlığına İstanbulda Törkiäneñ utä sulçı İnqilabçı Xalıq İreklek Partiäse suğışçıları dip şiklänelgän 25 keşe totqarlandı dip beldergän. İtaliä prokurorları İtaliädä 5 keşeneñ totqarlanuı turında äytä. 2001-nçe yıldan birle Törkiädä berniçä bomba şartlatqan bu partiäne Yewropa Berlege häm Quşma Ştatlar da tıydı.
XS
SM
MD
LG