Accessibility links

сишәмбе, 6 декабрь 2016, Казан вакыты 15:18

Yewropa Berlege törek häm grek kipriotların berläşü planı turında referndum ütkärelgändä ireşelgän tärräqiättän çigenmäskä çaqırdı


Yewropa Berlegen kiñäytü komissionerı Guenter Verheugen törek häm grek kipriotlarınıñ citäkçelärenä möräcäğät itep, bu ayda utrawda berläşterü planı turında referndum ütkärelgändä ireşelgän tärräqiättän çigenmäskä çaqırdı:

AUDİO: Beräw dä, Berläşkän Millätlär Oyışması da, Yewropa Berlege dä küz kürerlek kiläçäktä berläşü öçen yañadan mondıy mömkinlek açılır dip uylamıy.

Bu plannı BMO general' sekretareı Kofi Annan täqdim itte. Taraflar arasında fiker ayımalıqları däwam itügä qaramastan bu plan 24-nçe aprel'dä ayırım törek häm grek kipriotları referendumında tawışqa quyılaçaq. Şwetsariädä bu atnada üktän söyläşülärdä grek häm törek kipriotları bu plan turında kileşügä ireşä almadı. Verheugen tağın ber märtäbä, Yewropa Berlege Kipr utrawınıñ 1-nçe mayda Berlekkä quşılğanda berläşterelgän buluın teli dide. Swetsariädä ütkän söyläşülärdä Törek kipriotları citäkçese Rauf Denktaş qatnaşmadı. Bügen ul älege plannı kire qaqtı. Ägär dä referendumda berär taraf berläşüne kire qaqsa Yewropa Berlegenä utrawnıñ xalıqara tanılğan könyaq grek öleşe genä quşılaçaq.

XS
SM
MD
LG