Accessibility links

сишәмбе, 6 декабрь 2016, Казан вакыты 05:55

Finländiädä 6-7 may könnärendä Yevropada iñ zur tatar muzıka festivale ütäçäk


Finländiä tatarlarınıñ üzeşçän cırçıları bu aralarda üzlären yış işetterä. Yevropanıñ tönyağında yäşäwçe az sanlı millättäşlärebez başqa icadi eşlär belän dä şägellänä, bik üzençälekle sänğat kürgäzmäläre aça, xätta ber tügel, ä ike märtäbä Finländiäneñ iñ zur däwlät bülegenä layıq buluçı millättäşlär dä bar .Bu turında başqa waqıt söyläşerbez. Bügen isä tatarlarnıñ mädäni eşçänlekläre turında.

Tatar cırçıları, orkestraları çit illärdä konsertlar birä. Bu ällä ni yañalıq tügel .Ämma törle illärdän tatar cırçılarnıñ ber urında cıyılğanı yuq ide . Finländiädä yäşäwçe millättäşebez Deniz Bedretdin bik zur eşkä kereşep Tatarstan, Awstraliä, Qırımdağı muzıka sänğätkärlären may ayınıñ başlarında Helsinkigä çaqırıp tatar muzıyka festivale oyıştırırğa qarar birgän. Bolarnıñ barısı xaqında sez şimbä, 3 april könne Azatlıq radiosınıñ "Tatar dönyası" tapşıruında işetä alasız. Redaksiäbez xezmätkäre Färidä Xämit sorawlarına festivalne oyıştıru eşlären alıp barğan Dänis Bädretdin häm Finländiä Törekläre Berlegeneñ räise Raif Nizametdin cawap birä.

XS
SM
MD
LG