Accessibility links

якшәмбе, 4 декабрь 2016, Казан вакыты 01:00

Matbuğat küzätüe


Watanım Tatarstan üzeneñ comğa sanında uquçılarnı şuşı könnärdä yubileyın bilgeläp ütüçe şağir Robert Miñnullin belän tanıştıra. Şulay uq monda Fänzaman Battalnıñ Baltıyq buyın buyladım da... dip isemlängän yazması da iğtibarğa layıq. Anda yazuçı Baltıyq buyı respublikaları misalında tuğan telne saqlaw, anıñ yazmışına bitaraf bulmaw turında yaza. Yazuçı mäqäläsen Üzebezneñ xaqta uylanıyq: kemnär bez, nişläp bezne bitaraflıq basqan, ni öçen ğädelsezlek ayağı astında taptalabız, dip tämamlıy. Mädäni comğanıñ 2 aprel sanında Zatlı şäxeslärebez rubrikasında yazuçı Ğarif Axunov xaqında yazma urın alğan. Yaqtı keşe ide digän isem astındağı qızıqlı mäqälädä üzeneñ xatiräläre belän ğalim Nurmöxämmät Xisamov büleşä. Şunda uq teatr belgeçe Daniä Ğimranova Kama aryağı teatrlarınıñ festivale turında söyli. Ä İltani İlyalova isä Kärim Tinçurin isemendäge tatar teatrınıñ Kuraj anaqay häm anıñ balaları digän spektakle turında yaza, uquçılarğa bıyılğı Ğabdulla Tuqay isemendäge büläkkä täqdim itelgän älege spektaklneñ rejisserı Räşit Zahidullin häm teatrnıñ bilgele artistkası İslamiä Mäxmutova xaqında söyli. Annan tış monda küptän tügel genä wafat bulğan kompozitor Räşit Abdullin turında da uqıp bula. Anıñ icatı xaqında Mädäni comğada tanılğan kompozitornıñ dusları yaza.

Gölnaz İlgizär

XS
SM
MD
LG