Accessibility links

шимбә, 10 декабрь 2016, Казан вакыты 11:52

Tatnet: milli on-line uyınnar barmı?


1nçe aprel, kölke köne, tatar internet säxifälärendä dä uz urırın taptı. Tatar xalqın mäzäktän başqa küz aldına kiterep bulamı? www.tatar.kz saytında, Kazaxstanda yäşäwçe millättäşebez Şamil Sahäytdinov, humorğa tulı ber säxifä bağışlıy. Anda urnaştırılğan mäğümätlär şaqtıy bay. Qısqa-qısqa mäzäklär, sketçlar, şayan xikiälär dä bar. Avtor tağın xalıq mäzäklären, Räşit Şamqay häm tatarlar turında şayartuların ayırıp kürsätkän. Mäsälän menä usal xatın-turındağı şayartu menä şundıy:
Ber qarçıq bigräk usal, qartın qatı qulda ğına tota, anda-sanda qıynap ta quya ikän. Ber kön qart kürşelärenä kerep bik maqtanğan:
- İ açulandım inde bügen qarçığımnı, kirägen birdem!
- Niçek qurıqmadıñ‚ soñ‚? - dip sorağannar.
- Äye, qurıqmassıñ‚ annan! Täräzä aşa barmaq yanıy-yanıy açulandım, yarıy äle üze kürep qalmadı!
Tatarlar.ru, tatarica.ru, yuldash.com kebek populär saytlar şaqtıy bay bulsa da, yumor, uyın kölkegä iğtibar az birä. Xätta elektron - kitapxanä saytında da, mäzäk ezläp qaraw omtılışı uñışsız tämamlandı. Barı tik, yuldash.com forumında qatnaşuçılar, «keräşen mullası» iseme belän tanılğan yegetne bulmağan tuyı belän qotlap şayardılar.

Qazannan Baqça sarayğa säyäxät. Yaña tatar uyını.

Kölke häm uyın härwaqıt bergä yöri. Tatar säxifälärendä milli uyınnar barmı? Uynap tuymağan, yäş küñelle keşelärgä niçek itep, aqılnı eşkä ciñep, küñel açırğa? Qızğanıç ki, köçle grafikalı, dinamik milli kompyuter uyınnar - yuq. Ä menä mtss.ru saytı üze uylap tapqan ber uyınnı, iskeçä, käğäzgä bastırıp bulsa da, qullanırğa täqdim itä. «Qazannan Baqça sarayğa säyäxät» dip atalğan uyın borınğı xarita, taşlar häm käğäz tügäräklärdän tora. Uyınçılar berniçä törkemgä bülenä, alarğa Baqça sarayğa iñ qısqa yul tabırğa kiräk. Säfär waqıtında azamat yegetlärgä yulbasarlar höcüm itä, köymäläre töpkä utıra, yä arbalarnıñ köpçäkläre watıla, ä başqa macaralar kilep çığa. Şulay itep uyınçılar «Tartar ile» yäki «Tatar ile» buylap säyäxät itä. Kem Baqça sarayğa berençe kilep citä – şul ciñüçe bula da inde. Uyınnıñ qağidälären, häm xaritanı şunda uq mtss.ru saytında tabıp bula. Anı «Tatarovedenie» bülgendä ezlärgä kiräk: www.mtss.ru/?page=games



Tatarlar.ru saytında da uyınnarğa bik urın birelä. Xätta ayırım kompyuter säxifä urnaştırılğan. «T-klan» yäğni «Tatar ıruğı» digän saytta mäskäw tatar yäşläre üzläreneñ bergä uynağan çaqların iskä ala, räsemnärne urnaştıra, yaña çeltär uyınnarı belän tanıştıra. http://www.tatarlar.ru/tklan/



Tatar yäşlärennän torğan ıruğlar lazer mıltıqlardan atıp, strategiälär qorıp, maqsatqa ireşälär. Counter-Strike, Q3, Opposing Force, StarCraft, Battlefield, Warcraft kebek uyınnar belän mawığıp yäşilär. Qızıqsınsağız tatarar.ru saytınıñ «Tklan» digän säxifäsenä kerep çığa alasız. Ä sez nindi uyınnar uynıysız? Äydägez xat alışıyq. Bu tapşırunıñ tekstın «Azatlıq» radiosınıñ saytında taba alasız. Adresı şul uq www.azatlıq.org.

Bikä Timerova.

XS
SM
MD
LG