Accessibility links

якшәмбе, 11 декабрь 2016, Казан вакыты 16:54

NATOğa tağı 7 il quşılıp, berlektäge äğza illär sanı 26-ğa citte


Bügen Brüsseldä NATOnıñ 26 tışqı eşlär ministırı başkvartirada Xärbi Berektäşlekneñ kiñäytelüe uñayınnan ütkärelgän merasimdä qatnaştı. Ministırlarnıñ bügenge köntärtibendä NATo reformaları, kontr-terrorizm plannarı häm kiñäytelgän yaqın könçığış belän mönäsäbätlär tora..

Tönyaq Atlantik Xärbi Berektäşlegenä bügen 7 yaña il quşıldı. Brüsseldä ütkärelgän märasimdä 26 tışqı eşlär ministırı 7 yaña äğza ilneñ bayraqlarınıñ kütärelüen, gimnarın tıñladı. NATOğa quşılğan 7 il Bolgarstan, Estoniä,Latviä, Litva , Rumıniä,Slovakiä häm Sloveniä .Ministırlar NATOnıñ qarar çığaru organı Tönyaq Atlantik Şurasınıñ cıyılışına qatnaştı. NATO general sekertarı Jaap de Hoop Scheffer yaña äğzalarnıñ ozaq waqıt ezärlekläw häm zalimnarğa qarşı köräşüenä işarä itep(audio) Bez şatlanabız, söyenäbez bez bäxätle. bez 26ildän torğan berektäşlek. NATOnıñ işege açıq, beläsez kübräk illär Atlantik Berektäşlegendäge bäyälärne urtaqlaşu ambitsiäsenä iä dip söyläde. Yaña äğzalarnıñ wäkilläre NATOğa iminlek garantiäläre säbäple quşuluların iqrar itte. Ämma alar xäzer terror kebek yaña tör qurqınıç aldında tora. Slovakiä tışqı eşlär minsitırı Eduard Kukan aliansınıñ üzgärergä tieşlege bik tabiğıy xäl di Kukan(audio) Minemçä berektäşlek dänyadağı yaña wazğiät , yaña qurqınıçlarğa qarşı toru öçen üzen üzgärtergä tieş.Bu bik tabiğıy.Min yaña berektäşlekneñ yaxşı buluın uylıym.Bez nindi aliansqa quşıluıbıznı beläbez häm barlıq cawaplılıqnı alırğa äzerbez dide . Kukan da , Bolgarstan häm Rumıniäneñ tışqı eşlär ministırları Solomon Passy häm Mircea Geoana jurnalistlarnıñ NATOnıñ Ğıraqqa qatnaşuın yaqlıysızmı digän sorawlarına äyye dip cawap qaytardılar . Geona Ğıraqnı totrıqlandıru bezneñ moral burıç dip östäp quyğan. Ämma Fransiä Germaniä kebek alians illäre Ğıraqqa ğäskär cibärügä qarşı . Germaniä tışqı eşlär ministırı Fisher NATOnıñ töp wazıyfası Äfganstanda tınıçlıq häm stabillıq urnaştıru dip belderde. Comğa köndez ütkärelgän merasimdä, gimnnar tıñlanğanda küplär NATOnıñ Rusiä belän mönäsäbätläre turında uylap borçılğandır. NATo general sekretarı Scheffer berektäşlekneñ kiñäytelüenä qarata Rusiäneñ çağıştırmaça kisken reaksiäse bälkim dä mönäsäbätlärneñ bozıluına kiterer digän qurqularnı kimetergä tırıştı. älbättä eleke sovet respublikları Estoniä, latviä ,Litvanıñ blokka quşıluı Rusiägä oxşap betmi .Belgiäneñ F-16 awçı oçqıçlarnıñ bu atnada Litvağa urnaştırıluına qarata Mäskäwdäge säyäsi, xärbi citäkçelär qänäğätsezlek belderde.Federatsiä Şurasınıñ räise Sergei Mironov Mäskäw NATOnıñ könçığışqa taba kiñäyüenä qarşı dip teqrarlap , Rusiä qorallı köçläre här daim suğış äzerlegendä tora häm çiklärdäge wazğiätne küzätep tora dide. Dumada küpçelek deputatlar NATonı kiñäytü Yevropada iminlek wä totrıqlılıq urnaşuın tizlätmiäçäk dip belderep,Berektäşlek Rusiäneñ iminlek borçıluların qänäğändermäsä Putinnı atom arsenalın arttırırğa çaqırğa .NATO genaral sekretarı Scheffer comğa kiçne ütkäreläçäk häm Rusiä tışqı eşlär ministırı Sergei Lavrovnıñ da qatnaşaçaq NATO-Rusiä şurasınıñ oçraşuına işarä itep berektäşlek konstruktiv partnörlıqqa däwam itäçäk dide. Scheffer süzlärençä(audio) Bez Rusiä belän bez kileşkän mäsälälär turında söyläşäbez,şulayuq bez şunduq kileşmägän eşlärne dä tikşeräbez, NATO-Rusiä Şurası şunın öçen oyışqan da. Minemçä kiñäytelgän NATO da Rusiä Federatsiäse belän ütkän yıllarda bulğan konstruktiv partnörlıqnı däwam itterä ala. Tışqı eşlär ministırları bügen NATO reformaları , terrorğa qarşı suğış, Berektäşlekneñ kiñäytelgän yaqın könçığış belän mönäsäbäte,anıñ Äfganstandağı rolen arttıru kebek mäsälälärne tikşerä.

färidä xämit,praga
XS
SM
MD
LG