Bügen İspaniäneñ iñ zur timer yullarınıñ bersendä Madrid belän Seville arasında bomba tabıldı. Eçke eşlär ministrı Angel Asebes, şartlap ölgermägän bombanı timer yulda eşläwçe beräw taptı, dip belderde. Tikşerülär tämamlanğançı yulnı yaptılar.
Yul buyında tabılğan törgäktä 10 kilogram dinamit häm 136 metr ozınlıqtağı çıbıq belän detonatorğa totaştırılğan şartlatqıçlar bulğan. Älegä bu bombanı kem quyğanı turında xäbärlär yuq.
