Taşkent. Üzbäkstan Pakstan xökümätennän räsmi töstä, uzğan ayda Äfğanstan çigendäge bäreleşlärdä totqarlanğan üzbäk watandaşları turında mäğlümat birüen ütenä. İslamabadtağı tışqı eşlär ministrlığı bügen, moña äle cawap birelmäde dip belderde. Pakstan köçläre äfğan çigendäge Könyaq Wäziristan wilayätendä "äl-Qaidä" häm "Taliban" qaldıqlarına qarşı ğäskäri operatsiä oyıştırğan ide. Şunıñ näticäsendä 60-lap islamçı üterelep, 160-tan artığı totqarlandı. Pakstan xärbiläre, äsirlärneñ 70-e çığışı belän üzbäk, çäçän häm ğäräp dip belderde. Räsmi Taşkent, alar arasında prezident Kärimov xakimiatenä qarşı qorallı köräş alıp barğan Üzbäkstan İslam xäräkäte äğzaları da bar dip uylıy.
