Bu xaqta ilneñ eçke eşlär ministrı Angel Acebes belderde. Anıñ süzlärençä, ülüçelär arasında Serhan ben Ğäbdelmäcit Färxät digän keşe dä bar, anıñ äle "Tunislı" digän quşamatı da bulğan, häm ispan politsiäse anı, 11-nçe mart şartlawların oyıştırunı citäkläwçe bularaq ezlägän bulğan. Mäğlüm ki, timer yullarda oyıştırılğan şul terror ğämälläre 191 keşeneñ hälak buluına, 1800-dän artığınıñ törle cäräxätlär aluına kiterde. Şimbä kiçen ispan politsiäse Madridnıñ Leganes bistäsendä, şul şartlawlarnı oyıştıruda şiklänelgän keşelärne totqarlaw maqsatında, alar yäşägän yortnı qamap alğan ide. Tirä-yündäge binalar anda yäşäwçe keşelärdän arındırılğaç, politsiä köçläre yortqa ütep kerergä tırışqanda eçtägelär alarnı kürep ut aça häm soñraq üz-üzlären şartlata. Şunıñ näticäsendä yort eçendäge 4 keşe häm ber politsiä xezmätkäre hälak bula. Älege xällärne kürgän sahid menä nilär söyli:
Audio, şahid
"Kötmägändä bez torğan cirgä küpsanlı politsiä xezmätkärläre kilep tuldı. Täräzä artınnan, öy eçendäge ğäräplärneñ "Allah, Allah" dip qıçqıruları işetelde, politsiä alarğa basqıç buylap tışqı işekkä töşärgä quştı. Bu urın tulısınça qamap alınıp, tağın da kübräk politsiä köçläre kilä başladı" dip sürätli kürgännären anda yäşäwçe ispanlı. Şartlaw yortnıñ aldağı diwarın tulısınça cimerep, tirä-yündäge binalarğa da zur zina kiterä. Eçke eşlär ministrı Acebes, 2 yäisä 3 şiklänelgän adämneñ barıber qaçıp kitüe ixtimal dip tä isäpli. 11-nçe mart şartlawları uñayınnan ispan xakimiat bügenge köndä 15 şikle keşene qulğa aldı. Şularnıñ 11-e Marokko watandaşı. Tağın 5 mäğrib keşesenä häm ber tunislığa xalıqara totqarlaw taläbe çığarılğan ide. Eçke eşlär ministrı, şartlawlarğa Marokkonıñ İslam suğışçan Törkeme digän yäşeren oyışma bäyle, anıñ "äl-Qaidä" belän dä bäyläneşläre bar dip belderä. İspaniädäge terror qurqınıçı soñğı könnärdä üzen yänä sizderde. Comğa könne politsiä Madrid-Sevilla timer yulında 12 kilolıq bomba tapqan ide, andağı şartlatqıç 11-nçe martta qullanılğanına tiñ dip xäbär itelde. İspaniä politsiäse timer yullardağı iminlek çaraların köçäytte, bu maqsatta anda boralaqlar häm qorallanğan maşinalar da qullanıla.
Kärim Kamal, Praga
Audio, şahid
"Kötmägändä bez torğan cirgä küpsanlı politsiä xezmätkärläre kilep tuldı. Täräzä artınnan, öy eçendäge ğäräplärneñ "Allah, Allah" dip qıçqıruları işetelde, politsiä alarğa basqıç buylap tışqı işekkä töşärgä quştı. Bu urın tulısınça qamap alınıp, tağın da kübräk politsiä köçläre kilä başladı" dip sürätli kürgännären anda yäşäwçe ispanlı. Şartlaw yortnıñ aldağı diwarın tulısınça cimerep, tirä-yündäge binalarğa da zur zina kiterä. Eçke eşlär ministrı Acebes, 2 yäisä 3 şiklänelgän adämneñ barıber qaçıp kitüe ixtimal dip tä isäpli. 11-nçe mart şartlawları uñayınnan ispan xakimiat bügenge köndä 15 şikle keşene qulğa aldı. Şularnıñ 11-e Marokko watandaşı. Tağın 5 mäğrib keşesenä häm ber tunislığa xalıqara totqarlaw taläbe çığarılğan ide. Eçke eşlär ministrı, şartlawlarğa Marokkonıñ İslam suğışçan Törkeme digän yäşeren oyışma bäyle, anıñ "äl-Qaidä" belän dä bäyläneşläre bar dip belderä. İspaniädäge terror qurqınıçı soñğı könnärdä üzen yänä sizderde. Comğa könne politsiä Madrid-Sevilla timer yulında 12 kilolıq bomba tapqan ide, andağı şartlatqıç 11-nçe martta qullanılğanına tiñ dip xäbär itelde. İspaniä politsiäse timer yullardağı iminlek çaraların köçäytte, bu maqsatta anda boralaqlar häm qorallanğan maşinalar da qullanıla.
Kärim Kamal, Praga