Accessibility links

якшәмбе, 4 декабрь 2016, Казан вакыты 06:59

Ğiraqnıñ Näcäf şähärendä andağı Könbatış köçläre belän xalıq arasında bäreleşlär buldı


Näcäf, Ğiraq. Bügen biredä İspaniä citäklägän Könbatış köçläre belän uram cıyınında qatnaşqan xalıq arasında bäreleşlär buldı, anda kimendä 20 keşe hälak buldı, 100-dän artığı yaralandı dip xäbär itelde. Ülüçelär arasında 4 Salvador ğäskärie dä bar, bu xaqta İspaniä tışqı eşlär ministrlığı belderde. Uram cıyını, ispan xärbiläre Näcäftäge şığıy ruxani Muqtada äl-Sadrnıñ yardämçese, Mostafa äl-Yaqubine totqarladı digän xäbär uñayınnan oyıştırlğan ide. İspan yağı monı kire qaqtı. Ğiraqtağı amerikan xakime Paul Bremer bügenge bäreleşlärne xökem itep çıqtı. "Näcäftä ber törkem keşe çikne uzdı häm köç qullanuğa küçte, moña yul quyılmayaçaq. Moña Ğiraq xalqı üze yul quymaçayaq, häm moña Ğiraqnıñ iminlek köçläre dä yul quymayaçaq" di Paul Bremer. Näcäftäge çualışlarnı Ğiraqtağı waqıtlı idarä şurasınıñ xäzerge başlığı Mäsğüt Barzani dä xökem itte. Atışlar bügen Bagdadta da buldı, ä tönyaqta yatqan Kirkuk şähärendä, uram cıyıyn küzätep torğan amerikan xärbilärenä qarşı intihar höcüme yasaldı. Maşinağa quyılğan bomba şartlaw näticäsendä kimendä 5 ğiraqlı hälak buldı, ike amerikan ğäskärie yaralandı dip xäbär itelä.

XS
SM
MD
LG