Accessibility links

җомга, 9 декабрь 2016, Казан вакыты 14:50

Öç könlek säfär belän Rusiägä Kofi Annan kilde


Mäskäw. Bügen Mäskäwgä räsmi säfär belän Berläşkän Millätlär oyışmasınıñ general' sekretare Kofi Annan kilde. 3 kön däwam itäçäk şuşı säfäre barışında ul Rusiä prezidentı Vladimir Putin belän, Mäskäw häm Berläşkän Millätlär arasındağı mönäsäbätlärne, Kosovo häm Ğiraqtağı xällärne tikşeräçäk dip kötelä. Bu xaqta Rusiäneñ tışqı eşlär ministrlığı wäkile Aleksandr Yakovenko xäbär itte. Yakovenko süzlärenä qarağanda, Rusiä Kosovodağı wäzğiat uñayınnan üzeneñ nıq borçıluın belderä. Uzğan ayda bulğan çualışlarda, xäzer Berläşkän Millätlär idaräsendäge Kosovoda kimendä 19 keşe üterelde, azçılıqtağı berniçä meñ serb torğan ciren taşlap kitärgä mäcbür qaldı. Ğiraq mäs'äläsendä, Rusiä Annannıñ totrıqlandıru tırışlıqların xuplıy, Berläşkän Millätlär Ğiraqta zurraq köçkä iä bulırğa tieş dip isäpli di, tışqı eşlär ministrlığı wäkile Aleksandr Yakovenko.

XS
SM
MD
LG