Accessibility links

Ğıraqta çualışlar däwam itä


Britaniä saqlanu ministırlığınıñ belderüenä kürä şiğıylar könyaqta Basra şährendä xökümät binasına basıp kergän.Bilgele bulğança kiçä Ğıraqnıñ törle şähärlärendä radikal şiğı ruxanise Muqtada al Sadr taraftarları protest belderep, xärbilär häm politsiä belän bäreleşte. Protestlarğa ruxani yardämçeseneñ qulğa alınuı häm anıñ çığarğan basmanı yabu säbäp buldı.Kiçäge tınıçsızlıqlarda 90 keşe häläk bulğan.

Bagdad häm könyaq Ğıraqta zur demonstratsiälär wä höcümnär başlatqan yäş suğışçan ruxani al Sadr , AQŞ citäkçegendäge administratsiäneñ okupatsiä başlanğannan birle in küp qurıqqan närsäne –şığılarnıñ başkütärüen başlatqan buluğa oxşıy . Bügen Ğıraqnıñ törle urınnarında -Bagdad şulayuq Britaniä kontrolendäge Basrada şığılarnıñ izge şähre Qarabalada häm Başqalanıñ könbatışındağı Fallucada köç qullanu turında xabärlär kilä. Kiçä Radikal şığı ruxanise Muqtada al Sadr yaqlawçıları belän AQŞ citäklägän köçlärneñ Nacaf häm başqa urınnardağı bäreleşlärdä 9 koalitsiä ğäskäriä häm 21 ğıraqlınıñ häläk bulıp distälärçäseneñ yaralanıunnan soñ, bäreleşlär bügen dä däwam itä.Radiobız xabärçese Bagdadtnıñ al Şowla öleşendä AQŞnıñ apaci boralaqları al Muqtadanıñ xosusi armiäsenä ut açtı dip belderde.(audio) Xabärçebez Alxoca suğış söxnäsen bolay dip añlattı. (audio) keşelär boralaqqa ut açtı, 2yäki 3 keşe üterelde , berniçä keşe yaralandı , Amerikannar belän Muqtada taraftarları arasında suğış bara..... al Sadr tarafları nıq qorallanğan, atmosfera bik kisken .Alxoca( audio) bik küp keşe qulında aftomatlar , awır qorallar , granat atqıçlar.. alar bik yaxşı qorallanğan. Al Şowla maxalläse dä AQŞ tankları xärbiläre qamauında tora. Bügen Qärbelä yaqınında politsiä noqtasına höcüm oyıştırılğan . AQŞ marinnarınıñ Fallucada höcüm başlatuları turında mäğlümät bar.Bilgele bulğança ütkän atnada anda 4 amerikan sivil keşese üterelde .Mäyetläre parçalandı. AQŞ konsıllığı Bagdattan Falluca aşa Yordaniägä barğan yul xärbi aktivlıqlar säbäple yabıldı digän belderü yasadı. 1200 marin häm Ğıraq iminlek köçläreneñ ike batalyonı Falluca tiräsendä tora . Falluca operatsiäse ber niçä kön däwam itäçäk dip kötelä. Britaniä saqlanu ministırlığı al Sadr suğışçıları Basrada ütkän töndä xökümät binasın aldı, ämma bu eş tınıç buldı dip beldersä dä, Xabär agentlıqları alar binağa basıp kerep, tübägä yäşel bayraq quydı dip äytä. Qorallı keşelär tübädä al Sadrnı yaqlap (audio) . eyye!eyye Moqtada! yuq yuq Amerika digän şiğarlar qıçqırdı. Basrada al Sadr ofisı citäkçese şeyx Sattar al Bahadli Fransiä xabärlär agentlığına, bez Britan xärbilärenä üz taläplärebez turında xat tapşırdıq dip äytkän.Xatta mondıy taläplär bar: AQŞ citäklägän koalitsiä al Sadrnıñ al Hawza gazetasın yañadan çığuına röxsät itkänçe , al Sadr ofisların qamap totunı betergänçe häm al Sadrnıñ yardämçese Mustafa al yaqubinı şulayuq taraftarların irekkä çığarğançı protestlar dewam itäçäk. Ğıraqta AQŞnıñ sivil administratorı Paul Bremer al Sadrnı qanunsız xäräkät itüdä , Ğıraq iminlegenä qurqınıç tudıruda ğäyepläp bolay dide(audio) al Sadr, qanuni Ğıraq xökümäte häm koalitsiä xakimiäte urınına üz xakimiäten urnaştırırğa omtıla.Kiçä äytkänem kebek bez moña çıdamlıq kürsätmiäçäkbez Bilgele ki AQŞ 30nçe iyündä Ğıraqta xakimiätne ğıraqlılarğa tapşırmaqçı. Yıl azağında yäki kiläse yıl başlarında saylawlar ütärgä tieş. Ämma Ğıraqta iminlek şartlarnıñ kiskennäşä baruı AQŞta qayber säyäsätçelärneñ 30nçe iyün bik irtä tarix tügel mikän digän sorawlar quyuına säbäp bula.

färidä xämit,praga
XS
SM
MD
LG