Accessibility links

чәршәмбе, 7 декабрь 2016, Казан вакыты 11:45

Falluca tiräsenä amerikan xärbiläre häm Ğiraq iminlek köçläre kiterelde


Bügen yözlägän amerikan xärbie häm Ğiraq köçläre Falluca şähärendä xärbi çarağa cıyıldı. Köç qullanunıñ iñ qaynar noqtalarınnan berse bulğan bu şähärdä uzğan atnada 4 amerikan xezmätkäre üterelep, alarnıñ ikeseneñ mäyetläre yandırıldı. Şähär Bağdadtan 50 çaqrım yıraqlıqta urnaşqan. Amerikan xärbi köçläre leytenantı James Vanzant xäbär itüençä, 1200gä yaqın amerikan xärbie häm Ğiraq iminlek köçläreneñ 2 batalyonı şähärgä kerergä äzer tora. Bağdadta amerikan boralaqları şiği ruxanie Moqtada al-Sadr köçlären utqa tottı. Anda bügen dä Sdar köçläre belän amerikannar arasında bäreleşlär buldı. Şul çaqta anda bulğan Azatlıqnıñ Bağdadtağı xäbärçese Sami Alxoca: "Keşelär boralaqlarğa ut açtı, 2-3 keşe üterelde, berniçä keşe yaralandı. amerikannar belän Moqtada köçläre arasında bäreleşlär däwam itä" dip belderde. Sadr köçläre häm Amerikan ğaskärläre arasında kiçä bulğan bäreleşlärdä kimendä 90 keşe hälak buldı. Amerikan administratorı Paul Bremer al-Sadrnı "cinäyätçe" dip atadı. Könyaqtağı Basra şähärendä xökümät binasına bärep kergän ğisyançılar belän Britaniä xärbi köçläre arasında bäreleşlär buldı.

XS
SM
MD
LG