BMO General sekretare Kofi Annan'nıñ Mäskäwgä 3 könlek säfäre däwam itä. Bügen Rusiä prezidentı Vladimir Putin Annan belän oçraşqanda, xalıqara problemalarnı dönyada BMOdan da näticäleräk itep xäl itäçäk ber oyışma da yuq, dip belderde. Annan üz çiratında, uzğan yılda global kierenkelekneñ kimüe belän qanäğät bulğanın belderde: "Uzğan yıl bulğan kierenkelek äz genä bulsa da kimi bara, häm kürep toram – törle xökümätlär urtaq mänfäğätlärne qayğırtıp berläşä," dide Kofi Annan.
Annan şulay uq Rusiä prezidentı Putinğa, yaña problemalar belän eş itü öçen yaña eşçe komissiä tözüdä yardäm itüe öçen räxmäten belderde.
