Accessibility links

шимбә, 3 декабрь 2016, Казан вакыты 07:54

Madrid üz üzlären şartlatqan 5 keşe arasında terror höcümnären oıyştıruçılarnıñ yulbaşçısı bulğanın rasladı


İspaniä başqalasında uzğan ayda bulğan terror höcümnäre öçen cawaplı bulğanın beldergän törkem uzğan yal könnäre ispan gazetasına xat cibärgän. Xatta, ägär dä xakimiätlär Amerikağa teläktäşlek kürsätüne tuqtatmasa häm ğaskärlärne Ğiraq belän Äfğanstannan çığarmasa – ilne cähännämgä äyländeräçäkläre turında yazılğan. Ğaräpçä quldan yazılğan fax köndälek ABC basmasına , Madridta şartlawlar oyıştıruda şiklänelgän 5 keşeneñ üz üzlären şartlatqançı ber-ike säğat aldan ğına kilgän bulğan. Xökümät, üz üzlären şartlatuçılar arasında – 11 mart Madrid höcümnären oyıştıruçılarnıñ yulbaşçıları buluın rasladı. Eçke eşlär ministrlığı ike yulbaşçınıñ berse – Jamal Ahmidan – 191 keşeneñ hälak buluına kitergän terror ğamällären oyıştıruçılarnıñ berse ide, dip belderde. Fax belän kilgän xatnı, şulay uq Madrid höcümnäre öçen cawaplılıqnı üz östenä aluı turında video tasmada beldergän keşe – Abu Dujana al Afğani imzalağan. İspaniägä Äfğanstan belän Ğiraqtan ğaskärlärne çığarırğa 4nçe aprelgä qadär waqıt birelgän ide, bu şart ütälmäsä terrorçılar xatında, İspaniädä qan yılğa bulıp ağaçaq, dielä.Video tasma häm fax Yevropadağı Al Qaida äğzalärennän kilgän dip farazlana.

XS
SM
MD
LG