Hindstan polisiäse, bügen möselman ğısyançıları Kaşmir töbägendä granata attı, näticädä kimendä 60 keşe yaralandı, dip xäbär itte. Polisiä patrulenä atılğan granata xädäfenä barıp citmiçä keşelär küp bulğan yul buyında şartlağan. Höcüm öçen cawaplılıqnı üz östenä ber kem dä almadı. Hindstan belän Paqstan arasında mänäsäbätlärneñ küpmeder däräcädä yaxşırğanına qaramastan nizaqlı Kaşmir töbägendä äle dä kierenkelek saqlana.
Bügen Paqstan Hindstanğa qoralsızlanu turında söyläşülärne maynıñ 25-26sında İslamabadta uzdırunı täqdim itte. Dähli bu çaqıruğa tiz arada cawap biräçägen belderde.
