Accessibility links

пәнҗешәмбе, 8 декабрь 2016, Казан вакыты 09:12

Rumıniä belän Britaniä arasında serle viza kileşüläre yuq


Rumıniä xökümäte bügen Britaniä belän nindi dä bulsa serle viza kileşüe buluın kire qaqtı. Britaniäneñ Sunday Telegraph gazetı, Rumıniä premyer-ministrı Adrian Nastase, Britaniädä sıyınu sorağan rumın watandaşlarınıñ sanın qısqartırğa wağdä itte, moña cawap itep Britaniä premyerı Tony Blair, rumınnarğa Britaniägä kilüne ciñeläytäçäk, dip yazıp çıqtı. 2007nçe yılda Yevropa Berlegenä kerergä cıyınğan rumınnar Britaniä häm İrlandiädän başqa yevropa illärenä vizasız yöri ala. Blair'nıñ matbuğat wäkile Britaniä belän Rumıniä vizalarnı beterü mäs'äläsendä söyläşülär alıp bara, dip belderde, ämma monıñ – sıyınu sorawçılarnı qısqartuğa cawap bularaq eşlänäñçägen kire qaqtı. Uzğan atnada Britaniäneñ immigratsiä ministrı Beverley Hughes, bolğarlar häm rumınnar Britaniäneñ çik buyındağı zäğif kontrol sistemasınnan faydalanıp ilgä ütep kerä, digän ğayepläwlärdän soñ urnınnan kitergä mäcbür buldı.

XS
SM
MD
LG