Accessibility links

пәнҗешәмбе, 8 декабрь 2016, Казан вакыты 01:26

Sverdlov ölkäsendä tatar uqıtuçıları äzerläw kurslarınıñ çirattağı sessiäse tämamlandı


Bu könnärdä Sverdlov ölkäse mäğärif üsterü institutı nigezendä oyıştırılğan tatar tele häm ädäbiätı uqıtuçıları belemen kütärü kurslarınıñ çirattağı sessiäse tämamlandı. Bu yulı däreslärne Tatarstan respublikası mäğärif xezmätkärläreneñ belemen kütärü institutınıñ tatar tele häm ädäbiäte kafedrası dotsentı, filologiä fännäre kandidatı Ğafur Mäsğut ulı Sönğatov alıp bardı. Bez Ğafur äfändedän tıñlawçılarnıñ belem däräcäsenä bäha birüen soradıq. Anıñ fikerençä, tıñlawçılarnıñ äzerlege törleçä bulsa da, uqırğa, belem üsterergä omtılışları zur. Däreslärdä üzlären bik aktiv totalar, belmägännären sorıylar, qaydan nindi mäğlumat alırğa mömkinlege belän qızıqsınalar. Bu inde bik zur uñış digän süz. Tıñlawçılar üzläre dä bu sessiädän bik qänäğät. Alar äytüençä, Ğafur äfände däreslären qızıqlı misallarğa tayanıp, bik mawıqtırğıç häm añlayışlı itep alıp bara. Däreslär waqıtında Uraldağı tatarlar tormışınnan da uquçılar tarafınnan bik qızıqlı misallar kiterelgän, törle fiker alışular bulıp uzğan. Ğomumän alğanda, Ğafur Sönğatov fikerençä, älege kurslarnıñ faydası tıñlawçılar öçen dä, uqıtuçı öçen dä bik zur bulğan. Maxsus kurslarda belem aluçılarnıñ tağın ber sessiäse qaldı. Däwlät imtixannarı tapşırğannan soñ, yuğarı belemle tıñlawçılar ikençe yuğarı belem alu turında diplom, qalğannarı älege kurslarnı tämamlaw turında tanıqlıq alaçaqlar. Fäwiä Safiullina Yekaterinburg.

XS
SM
MD
LG