Accessibility links

чәршәмбе, 7 декабрь 2016, Казан вакыты 13:46

Äfğanstan prezidentı äfyüngä qarşı cihad iğlan itte


Äfğanstan prezidentı Hamid Qarzai xalıqnı ildä narkotiklarğa qarşı "cihad" iğlan itergä çaqırdı. Heroin yasar öçen qullanılğan mäk uñışın cıyu waqıtı yaqınlaşa. Äfğanstanstan – dönyada iñ küp äfyün satqan il. Jurnalistlar aldına çığıp Qarzai äfyün satu – ilneñ tärräqiätenä qomaçawlıy, dip näq 80nçe yıllarda Sovet okkupatsiäsenä qarşı alıp barğan kebek qırıs köräş başlarğa çaqırdı: "Aqsaqallar häm dini yulbaşçılarğa möräcäğät itäm, Äfğanstanda äfyün häm narkotiklarğa qarşı cihad iğlan itik, " dide Qarzai. Elek mäk üsterep kenä kön kürgän xucalıqlarğa Qarzai yardäm itergä çaqırdı. Kiçä äfğan köçläre häm amerikan xärbiläre könyaq Äfğanstanda 5.4 tonna äfyün häm haşiş yaqtı. İlneñ könyağında 2 meñgä yaqın keşe mäk qırlarınıñ yuq itelüenä protest yözennän uramnarğa çıqtı. Äfğanstannıñ Paqstan belän tönyaqkönçığış çigendä bügen 6.6 ball köçendä cir teträw buldı. Zilzilä şulay uq kürşe Paqstan, Qıtay häm Taciqstanda sizelgän. Kürşe illärdä hälak buluçılar yuq, Ädğanstannıñ üzendä – berniçä keşe ülgän dip xäbär itelä.

XS
SM
MD
LG