Accessibility links

якшәмбе, 4 декабрь 2016, Казан вакыты 15:19

Qazanda Mäğärif. Karyera-2004 kürgäzmäse açıla


7 aprel’ könne Qazannıñ 159 litseyında Xalıqara sälämätlek köne uñayınnan balalarnıñ yullardağı iminlegenä bağışlanğan çara uzdı. Anda respublikanıñ Mäğärif ministrı Fariz Xarisov häm Yul iminlege xezmäte citäkçese Rifqät Miñnexanov ta qatnaştılar. 8 aprel’dän başlap Qazan yärminkäsendä Mäğärif. Karyera-2004 dip isemlängän maxsus kürgäzmä eşläyäçäk. Anı Tatarstannıñ Mäğärif, Xezmät häm mäşğüllek ministrlıqları oyıştıra. Bıyıl inde dürtençe märtäbä ütkärelä torğan älege çara 10 aprel’gä qädär däwam itäçäk. Anda törle mäğärif oyışmaları, maxsus uqu yortları, eş belän tä’min itü üzäkläre, kadr agentlıqları qatnaşa. Bu qızıqlı kürgäzmä xaqında bez sezgä täfsilleräk itep söylärbez äle. Ä xäzer ütkän tapşıruda yañğırağan ber xäbärgä tözätmä kertäbez. Bez Mäğärif ministrlığı 7 aprel’dän 9 qädär Kirov ölkäsendä tatar mäğärife könnäre uzdıra, dip xäbär itkän idek. Bu xaqta bezgä ministrlıqnıñ matbuğat üzägendä äyttelär. Läkin soñğı säğätlärdä genä çara 14-15 aprel’ könnärenä küçerelgän. Bu qarşı ala torğan yaq - Kirov ölkäse sorawı buyınça eşlänelgän. Şulay itep, Tatarstan delegatsiäse kürşelärgä qunaqqa 14 aprel’ könne kitäçäk.

Gölnaz İlgizär

XS
SM
MD
LG