Accessibility links

җомга, 9 декабрь 2016, Казан вакыты 01:08

Ğıraqta qorallı bäreleşlär köçäyde-AQŞ al-Sadr köçlären yuq itmäkçe.


Ğıraqta bäreleşlär dävam itä. Koalitsiä köçläre häm Sönni häm Şiğıy köçlärgä qarşı köräşä. Saddam köçläreneñ ciñelüenä ber yıldan artıq vaqıt ütsä dä, vazğiät kiskennäşä genä bara. Sişämbedä bulğan bäreleşlärdän soñ AQŞ citäklägän köçlär radikal Şiğıy militsiäsen yuq itürgä qararlı buluın belderde.

AQŞ 12 amerikan xärbise üterelgännän soñ sönnilär qatı qarşılıq kürsätkän Bagdatnıñ Könbatışındağı Ramadi häm Fallucada kiñ küläm xärbi operatsiä başladılar. Uzğan atnada dürrt sivil amerikan iminlek saqçısı üterelgän Fallucada qatı bäreleşlär bara dip xäbär itelä. Xäbär agentlıqları tabiplarnıñ belderüenä tayanıp soñğı ber tävlek eçendä anda iñ kimendä 36 keşe üterelde dip xäbär itälär. Kişä 12 amerikan xärbise üterelgän Ramadida köç qullanunı bastıru öçen tırışıla. Yäkşämbedän birle Ğıraqta 30 tiräsendä amerikan xärbise üterelde. Ğıraqnıñ başqa töbäklärendä, mäsälän Nassiriyah, Amara häm Kutda kolaitisä köçläre radikal şiğıy ruxanisı Muqtada al-Sadrnıñ Al Maxdi Armiäse militsiäse belän bäreleşte. Koalitsiä köçläre opperatsiäse başlığınıñ urınbasarı amerikan generalı Mark Kimmit bügen Bagdatta , al-Maxdi armiäsen yuq itü maqsät itep totıla dip belderde

Audio

"Koalitisä häm Ğıraq iminlek köçläre Ğıraqnıñ Üzäk häm KÖnyaq regionnarında Maxdi Armiäsen yuq itü öçen operatsiä alıp baralar. "

Kimmit şulay uq al-Sadr häm aylardan birle qarşılıq kürsätep kilgän sönni köräşçeläre xakimiätneñ 30-nçe iyündä Ğıraq xökümäte qulına tapşırıluın buldırmas öçen köç qullanlar dip belderde häm al-Sadrnı birelergä çaqırdı.

Audio

"Al-Sadr äfände köç qullanunı kimetergä häm vazğiätne sülpänäytergä teläsä , ul monı eşli ala. Ul Ğıraq militsiäsenä birele xökem protsesın kötä ala."

Ğıraq xakime uzğan yılda köndäş şiğıy ruxanisınıñ üterelüendä qatnaşı bar dip al-Sadrnı qulğa alu öçen qarar çığardı. Nacafta saqlana dip uylanılğan al-Sadr üz nävbätendä nindi din totularına qaramıyça barlıq ğıraqlılarnı çit il ğäskärlären ildän quıp çığaruğa yardäm itärgä çaqırdı. Al Sadrnıñ xäräkäte älegä başqa şiğıy törkemnäre tarafınnan yaqlanmıy. Şiğıylärneñ küpçelege AQŞqa qarşı köç qullanudan totlıp tora. Al Sadrnıñ qarşılıq kürsätüe tuqtatılmağan häm başqa şiğıylär dä aña qanaşqan xäldä, koalitsiä qıyın xäldä qalaçaq. Şulay uq suğışçan sönnilär belän şiğıylär berläşep xäräkät itkän xäldä, monıñ berektäş köçlär öçen citdi näticälärgä kiterüe häm vazğiätneñ kontroldän ıçqınuı mömkin. Ğıraqtağı bäreleşlärdä amerikan ğına tügel, ä koalitsiädäge başqa illärneñ köçläre dä qatnaşa. Kutta Ukrain xärbilärenä höcüm näticäsendä ber ukrainlı hälak buldı, bişese yaralandı. Karbalada Bolgarstan bazası utqa toıldı. Poläk belän ispan xärbiläre şiğıylär belän bäreleşte. Nassiriyahta İtalian köçläre 15 şiğıy köräşçesen, britannar soñğı ike köndä Amarada şulay uq 15 ğıraqlını üterdelär. Ğıraqta vazğiätneñ kiskennäşüe, bäreleşlärneñ cäyelüe häm köçlänüe, AQŞ belän koalitsiägä kergäm başqa illärneñ anda qalu mäsäläsendäge qararlılığına da sınau bulıp tora.

Färit İdelle, Praga.
XS
SM
MD
LG