Accessibility links

пәнҗешәмбе, 8 декабрь 2016, Казан вакыты 12:49

Üzbäkstan xökümäte Yevropa Üseş häm Tärräqiät Bankı qararı belän kileşmi


Kiçä Yevropa Üseş häm Tärräqiät Bankınıñ Üzbäkstanğa kreditlarnı tuqtatıp toruı turındağı xäbärenä Üzbäk tışqı eşlär ministrlığı täñqit belderde. Älege bank Üzbäkstannıñ iñ zur investorı bulıp qala. Bügen Frans Press mäğlümat agentlığına birgän añlatmalarında ministrlıqnıñ matbuğat wäkile İlxom Zakirov, banknıñ bu qararın "mäğnäsez" dip atadı. Zakirov süzlärenä qarağanda, Üzbäkstan bank quyğan taläplärneñ kübesen ütägän, häm bazar iqtisadı şartlarında demokratik cämiğät tözü – Üzbäkstan köntärtibendä torğan iñ möhim mäs'älälärneñ berse. Üseş häm Tärräqiät Bankı isä Üzbäkstannı kiçä dekabr ayında ütäçäk parlament saylawlarına oppozitsiädäge partiälärne terkämäwdä häm säyäsi repressiälärne tuqtamawda ğayepläde. Quşma Ştatlarnı terrorğa qarşı suğışta yaqlap kilgän Üzbäkstannıñ avtoritar xökümäten xalıqara cämäğätçelek keşe xoquqların bozuda ğayepli.

XS
SM
MD
LG