Accessibility links

якшәмбе, 11 декабрь 2016, Казан вакыты 05:23

11 sintäbr höcümnären oyıştırırğa ğayeplängän Munir El Motassadeq Germaniädä irekkä çığarıldı


2001nçe yılnıñ 11 sintäbr höcümnären oyıştırırğa yardäm itüdä ğayeplänep qulğa alınğan Morokko keşese Munir El Motassadeq bügen Germaniä törmäsennän irekkä çığarıldı. 2003nçe yılda anı 15 yıl törmä cäzasına xökem itkännär ide. Ämma uzğan ayda Germaniäneñ yuğarı mäxkämäse – Mottasadeq'nıñ, kimendä 3 meñ keşeneñ ülemenä kitergän 11 sintäbr höcümnären oyıştırırğa Al Qaidanıñ Hamburgtağı çeltärennän yardäm itkän bulğanına töp şaxittän dälillär yuq, digän qarar qabul itte. Bügen mäxkämäneñ matbuğat wäkile Sabine Westphalen, Mottasadeq'tan ğayepläwlär töşerelmi, ämma anı törmädä totırğa ber säbäp tä yuq, dip belderde: "Mäxkämä Mottasadeq'nı irekkä çığarırğa qarar itte. Böten ğayepläwlärlär dä töşerelmi, ämma anıñ xökem qararın törmädä kötüeneñ mäğnäse yuq. Ul äle dä terror oyışmasınıñ äğzase buluda häm terror höcümnäre oyıştıruda ğayeplänä. Ämma anı törmädä totır öçen dälillär yuq" dide Germaniä mäxkämäseneñ matbuğat wäkile. Töp şaxit isä – çığışı belän Yämännän bulğan Ramzi bin Aş-Şibh. Aş-Şibh üze xäzer amerikan törmäsendä.

XS
SM
MD
LG