Britaniäneñ Möselman Şurası tarafınnan ildäge meñ mäçetkä häm oyışmalarğa cibärelgän kündermä sonğı atnalardağı tragediä häm qurqınıçlarğa işarä itep, alarnı ilde tınıçlıqnı saqlarğa çaqıra. Dokumentta Möselman Şurası Madridttağı höcümne xökem itkän bulsa da , qayberäwlär Britaniädä islamnı terror belän bäylärgä däwam itä dip äytelgän. İspan xakimiätläre madrid höcüme öçen möselman ekstremistların ğäyepläde. Belderüdä Böyek Britaniädäge 2 million möselman cinayätçel elementlarğa qarata uyaw bulırğa häm här törle kriminal aktivlıqlarda cirle politsiä belän xezmätäşlek itärgä çaqırıla. Britaniä möselman şurasınnan İnayät Bunglawala ( audio)
möräcäğätkä qarata möselman maxalläseneñ reaksiäse uñay buldı. Möselmannar üzläre belän keçkenä ekstermist törkemne ayıruğa nıq şatlandı. Bu keçkenä radikal törkem Madrid insidentına da şatlıq belderep, şunduyuq höcüm Britaniädä dä oyıştırılsın ide digän teläk belderde. dip söyläde. T.Blair palarlamentta yasağan çığışında Britaniä häm anıñ çit ildäge mänfäğätläre terrorçılarnıñ hädäfe bulıp qala birä dip äytep , Möselman Şurasınıñ andıy aktivlıqnıñ çın islam belän bäyläneşe yuq dip açıqlağan xatına räxmät belderde. Bunglawala kündermäneñ waqıtı bik döres ide dip ışana.Ütkän atna azağında ekstemist al-Muhajirun törkemeneñ Britan bayrağın yandırıp, Bin-Laden kilä digän şığarlar qıçqıruına britan cämäğätçelegeneñ nıq açuı çıqqan ide. Şotlandiädä Saint Andrew Universitetında Terror häm Säyäsi Köç Qullanunı Tikşerü Üzägeneñ citäkçese Paul Wilkinson (audio)
Minemçä şuranıñ möselmannarğa möräcäğäte bik mantıqlı eş ide , bu möselman maxalläseneñ kisken cawap birüenä kitermäs dip ömed itik. Britaniägä qarşı demonstratsiä oyıştırğan törkem , bik keçkenä azçılıqnı wäkillek itä. Ul zur şau-şu kütärä torğan azçılıq , bez alarnıñ ähämiäten möselmannar arasında küpertmäskä tieş. dip söyläde Paul Wilkinson.
Germaniädä ike zur möselman oyışması terrornıñ barlıq formaları islamğa qarşı digän urtaq belderü yasadı. Oyışmalarnıñ berse , Germaniä Möselmannarı Üzäk Şurası dip atala häm anda etnik ğäräblär, bosnialılar , alman wä küp bulmasa da töreklär dä kerä , İslam Şurası dip atalğan ikençe oyışma başlıça töreklärne wäkillek itä. Şuşı ike oyışma berençe märtäbä yasağan urtaq belderüdä terrornı yaqlağan keşeneñ bezneñ safta urını yuq dip belderä. Belderüdä qanlı aktlarğa qatnaşqan keşe islamda aqlaw taba almıy , islam cinayät, keşe urlaw , anarxiä häm terrornı tıya dielgän. Germaniä Möselmannarı Üzäk Şurasınıñ Berlin wäkile Abdul Hadi Hoffman süzlärençä här ike oyışma 11nçe sintäberdän soñ här forsatta här törle terror aktların xökem itep kilsä dä , bezne nindi genä diskussiägä çaqırmasınnar, anda säyäsätçelär, ruxanilär , xalıq ni öçen sez terrornı xökem itmisez digän soraw quya dip zarlandı. Hoffman dönyada islam isemennän närsä genä eşlänmäsen könbatış cämäğätçelege här waqıt möselmannarnıñ xökem itep çığuın kötä. Salman Röşdi waqıyğäsennän birle Germaniädäge İslam Berläşmäläre şulay eşläp kilä dip äytte. İke törkemneñ urtaq belderü yasauınıñ ähämiäte turında Hoffman bolay dide(audio)
Ber märtäbä tağı Germaniädäge möselmannar terrorğa qarşı buluların açıqladı , Federal däräcädä berberse belän yarışqan Üzäk Şura belän İslam Şurası beräw dä islam isemennän köç qullanılğan akt eşli almıy dip bergäläp belderde.
Hoffman süzlärencä(audio) açu çığa başladı, Germanidä 3millionnan artıq tınıçlıq söyeçe möselman yäşi , dönyada närsäge bulmasın här märtäbä alar qurqınıç tudıramı digän sorau quyıla
Bu urtaq belderü her kemne qänäğätländerer mikän. Germaniä Evangelia Berketäşlege tarafınnan 3yarım yıl elek oyıştırılağn İslam tikşerüläre İnstitutında eşläwçe Christine Schirrmacher ike möselman oyışmasınıñ belderüen xuplasa da , (audio)
belderüdä Jihad turında ber närsä dä yuq . Anda süz üterü, terror, yäki anarxiä turında ğına bara, cihadnı telgä almaw kimçelek . Min här ike oyışmadan jihad häm jihadta häläk bulğan keşelär turında sorar idem. alar şähitme alarğa şähit digän bäyä bireläme dip sorıy Schirmacher xanım.
Bilgele bulğança Fälästin suğışçan törkemnäre İzraelgä jihad iğlan itkän, Ğıraqta AQŞ citäklägän koalitsiägä qarşı barğan suğışta islam elementları bar, al Qaida könbatışqa qarşı şulayuq cihad iğlan itkän. Schirrmacher bezneñ oyışma İslamğa qarşı tügel dip äytep bolay dip däwam itä. (audio)
İnstitut islamğa qarşı tügel , bezneñ idarädäge küp kenä keşe möselmannar häm möselman oyışmaları belän bäyläneştä tora. Bezneñ cämğiättäge möselmannarnıñ borçıluların añlıybız. Ämma bezneñ mädäniät, tarixıbız xristian qıymätlärenä nigezlängän şunlıqtan bez islam qıymätlären tänqitsez, suqır kileş qabul itä almıybız.
İslam tikşerüläre İnstitutında islam buyınça ğalimä dr Christine Schirrmacher menä şundıy qaraşta
färidä xämit, praga
färidä xämit, praga