Accessibility links

якшәмбе, 11 декабрь 2016, Казан вакыты 17:03

NATO general sekretare Rusiä prezidentı häm saqlanu ministrı belän oçraştı


NATO general' sekretare Jaap de Hoop Scheffer bügen Mäskäwdä Rusiä citäkçeläre belän söyläşülär uzdırdı. Köntärtibendä NATOnıñ kiñäyüe häm terrorğa qarşı global köräş kebek mäs'älälär tordı, dip xäbär itelä. Oçraşu başında Rusiä prezidentı Vladimir Putin, NATOnıñ üzenä 7 yaña äğzane - şul sanda elekke sovetlar berlegeneñ 3 baltiq buyı respublikasın da aluı – xäzerge waqıtta bulğan problemalarnı çişergä yardäm itmiäçäk, dip belderde. Putin häm saqlanu ministrı Sergei İvanov belän oçraşqaç de Hoop Scheffer, NATO häm Rusiä xezmättäşlege – ike yaqnıñ da mänfäğätenä turı kilä, dip belderde. De Hoop Scheffer, saqlanu berlegeneñ Rusiä mänfäğätlären qısu niäte yuq, dide. İvanov, Rusiä NATO belän "real" qurqınıçlarğa qarşı köräştä berlektä eşlärgä äzer, dip belderde häm misal itep, küpläp üterü qoralların cäyelderügä qarşı köräşne kiterde.

XS
SM
MD
LG