Accessibility links

пәнҗешәмбе, 8 декабрь 2016, Казан вакыты 07:16

Tbilisi'da 1989 yılğı qanlı waqiğalärne iskä aldılar


1989nçı yılda näq 9 april könne Gruziäneñ bäysezlegen taläp itep uram cıyınnarın oyıştıruçılarğa qarşı ul çaqtağı sovet ğaskärläre yäşländerü gazı qullandı häm alarnı qıynadı. Bügen şul waqiğalärne iskä alır öçen Tbilisi üzägenä yözlägän keşe cıyıldı. 89nçı yıldağı uram cıyınında kimendä 19 keşe hälak bulğan häm distälägän keşe yaralanğan ide. Bügen älege çarada qatnaşqan elekke prezident Eduard Şevardnadze, eye, waqiğa bik ayanıç ämma Gruziä bäysez däwlät buldı, dide. Bügen Ajarstan başqalası Batuminıñ elekke başlığı Tengiz Asanidze irekkä çığarıldı. 1994nçe yılda Asanidze zur külämdä aqça üzläşterüdä ğayeplänep iregennän mäxrüm itelgän ide, ämma anıñ tarafdarları Asanidzenıñ Acar citäkçese Aslan Abaşidzeğa qarşı bulğanı öçen törmägä utırtılğanın belderep kilde. Yevropanıñ keşe xoquqları mäxkämäse anı azat itergä häm 155 meñ yevro kompensatsiä tülärgä digän qarar çığardı. Bu aqçanı Gruziä xökümäte tülärgä tieş bulaçaq.

XS
SM
MD
LG